Bandièra01 1180x150: Comuna de Tolosa

Actualitats

Cultura
crotz-tolosaCreated with Sketch.LengadòcLengadòc BasRasés

Los trobadors seràn de retorn al Castèl de Puègverd

Recontistucion d’un camp del sègle XIII los 9 e 10 de junh

| MantisXxl

Los trobadors seràn de retorn al Castèl de Puègverd (en Quercòrb) aqueste dissabte 9 e aqueste dimenge 10 de junh. Los vesitaires dintraràn dins la societat d’un còp èra amb un campament medieval (recontistucion d’un camp del sègle XIII) e d’animacions (jòcs e escrimi d’aquel temps) sus aquela tematica.


Mas aqueles dos jorns permetràn tanben la tenguda rescontres sul tèma dels trobadors e de la laütariá medievala. Atal, se parlarà del rebèc (dissabte de matin), del psalterion e de la guitèrna (dissabte de vèspre), de la còrnamusa del castèl (dimenge de matin) e dels trobadors del temps d’Alienòr (dimenge de vèspre).
 
Dos concèrts se tendràn lo dissabte: amb la Ròsa Trobadoresa a cinc oras del vèspre, puèi amb Flor envèrsa a 9 oras de la nuèit. Entre lo dos, poiretz prene part a una taulejada ont rajarà l’ipocràs.
 
Reservacions e entresenhas al +33 (0)6 17 53 29 62 o per e-mail.
 
 
 
Alan Roch

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article