L’IEO-Aude e lo País Corbièras e Menerbés menan una accion de promocion de las manifestacions occitanas que se debanan sus aquel territòri d’aicí a la mitat d’agost.
Atal, un desplegant "Estiu Occitan" se presentèt dins l’encastre de la fièra dels terradors audencs, Promaude, aqueste diluns de Pentacosta a Lesinhan.
Los eveniments importants d’aquelas mesadas son: lo Total Festum en Menerbés del sud (duscas al 24 de junh), lo Total Festum en Val de Danha (9-23 de junh), la Fèsta del Conte de Cucunhan (17 al 19 de julh), las jornadas occitanas de las Estivalas de Camplong d’Aude (7-8 d’agost), los rescontres Le Vin se Livre (canton de Durban, a l’entorn del 10 d’agost), las jornadas Vin, rugbi e occitan a Sant Andrieu de Ròcalonga (17 e 18 d’agost).
Mas d’autres rendètz-vos puntuals de concèrts, balètis, passejadas… se tendràn tanben a Fabresan, lesinhan, Montseret, La Grassa, Bisanet, Talairan o Cruscadas,…
Unes laucets informatius sus aquela programacion passan sus Ràdio-Lenga d’Òc-Narbona per renfortir l’informacion dels estatjants e dels toristas.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari