Bandièra01 capçalera  1180x150: Botiga

Actualitats

Fotbòl: lei clubs occitans a la pena

| larckange13
Fotbòl: lei clubs occitans a la pena
 
Ges de victòria per leis esquipas occitanas aquesta dimenjada, que fan pas una sason extraordinària, bòrd que ges d’elei es, per ara, qualificada per la Copa d’Euròpa.
 
 
Marselha s’enfonza dins la crisi
 
Un ponch en quatre partidas e 6a desfacha a domicili aquesta sason, es un bilanç per un club qu’aguèt l’ambicion d’èstre sus lo pòdi dau campionat.
 
Dissabte, l’OM un còp mai decebèt son public en perdent còntra Roazhon, 1 a 0. Una prestacion desastrosa de la part dei focèus, que sembla qu’an ja tirat un trach sus la fin de sason, amb la victòria de Sant Estève e de Lion. L’entraïnaire nòu es esperat coma lo Messias sus la Canebiera.
 
 
Bordèu ganha pas encara
 
Lei girondins, qu’aculhiguèron Niça dissabte passat, encara patiguèron una manca d’eficacitat cronica de son ataca. Bosetti respondèt a Jussiê a l’ora de jòc per un resultat finau d’1 pertot. Dau costat de Niça, pesèron jamai sus aqueu rescòntre. Fau dire que Claude Puel decidiguèt de laissar Cvitanich sus lo banc, qu’ajudèt pas gaire lei aglons. Mai lei decisions de l’entraïnaire se discutisson pas …
 
Au classament, Bordèu s’aluenha d’Euròpa, Niça es a dètz ponchs de la zòna de relegacion.
 
Montpelhièr perdèt 2 a 1 còntra Nantas, mai tanben perdèt dos jogaires, Marvaux e Congré, que totei dos recebèron un carton roge. Una marrida novèla per lo club qu’es encara menaçat per la relegacion.
 
Tolosa se contentèt d’un match nul a domicili còntra un febla esquipa d’Èvian. Lei tolosencs pòdon regretar aqueu resultat puei qu’es a la darriera minuta de jòc que se prenguèron un gòl. Pasmens demòran 8s au classament.
 
 
Lo classament après 30 jornadas

 PlaçaEsquipasPonchs
1 París 73
2Mónegue 63
3 Lilla 54
4 Sant Estève 51
5 Lion 48
6Marselha 44
7 Rems 43
8Tolosa 43
9Bordèu 42
10 Bastia 40
11Niça 38
12 Nantas 36
13 An Oriant 36
14 Gwengamp 35
15Montpelhièr 34
16 Roazhon 34
17 Èvian 31
18 Valencianas 28
19 Sochaux 25
20 Aiacciu 18
 
 
L’informacion de l’estrange
 
L’entraïnaire alsacian Arsène Wenger oblidarà pas son milen match amb Arsenal. Lo desplaçament a Stamford Bridge foguèt cort mai la desfacha ben pesanta puei que Chelsea s’impausèt 6 a 0. Au quart d’ora de jòc, lei blues avián ja marcat tres gòls per Eto’o, Schürrle e Hazard. Oscar e Salah completèron una nòta ben salada per lei Gunners que, franc d’un miracle, seràn pas campions aquesta annada… coma dempuei 10 ans ara.




Matieu Casanòva

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article