CAPÇALERA2: FAI-TE SOCI

Jornalet, gaseta occitana d'informacions

Dimenge, 20 de genièr

Actualitats

Dimars, 25 de març de 2014, 03h00 Espòrt

Rugbi XIII: Carcassona e Tolosa en finala de la copa


Comentaris Cap de comentari    
Marrit Flac Bon Plan bon Fabulós (1 vòte)
carregant En cargar


Los Dracs signan una primièra victòria en Super-Liga





Etiquetas
rugbi, rugbi xiii, xiii

Aqueste dimenge, se debanavan las mièjas finalas de la Copa de França-Lord Derby. A Sant Estève, lo Tolosa Olimpic prenguèt aisidament lo pas suls catalans de Palau: 52-16. A Lesinhan, jos las marcejadas que menèron l’arbitre a arrestar un momenton la partida en rason de la granissa, Avinhon defendiá son trofèu fàcia a l’AS Carcassona. Los audencs, contra lo vent, mestrejavan lo primièr temps e concretizavan lor dominacion per dos ensages de Towers (16a) e Canet (21a), los dos transformats per Gressèque: 12-0 a la pausa. A la represa, Avinhon marcava d’entrada entre los pals per Liguro: 12-6. Los audencs tenián a distància los provençals mercé a doas penalitats de Gressèque abans de s’envolar a la fin amb d’ensages de Savage (69a) e Soubeyras (79a): victòria de l’ASC amb la marca de 26-6. La finala se debanarà a Carcassona lo dimenge 13 d’abril.
 
Lo Tolosa Olimpic serà tanben a l’aficha de la finala de la Copa dels juniors contra Limós.
 
 
Los Dracs son de retorn
 
E tu, lo patron de l’estanquet, pòdes sortir la cantina de Ribesaltes! E tu, la Maria, la serviciala, corrís lèu-lèu preparar una cargolada; mon còr trefosís de jòia: los Dracs son de retorn! Coma ditz un vièlh reprovèrbi de l’Albèra: “Quand torna la prima, se revelha lo Drac atupit”. E aquò advenguèt aqueste dissabte sus la pelena de Brutus amb una formacion catalana metamorfosada, solidària en defensa e imaginativa en ataca.
 
Los Gigants d’Huddersfield paguèron la nòta de la revòlta sang e aur que se concretizèt per dos ensages (Zeb Taia e Paul Anderson) transformats per Tomàs Bòsc, qu’ajustèt una penalitat: 14-0 a la pausa pels catalans. Anderson signava un segond ensag quatre minutas aprèp la represa e Morgan Escarré acabava una accion darrèr la linha a l’ora de jòc.
 
Los Gigants revenián amb dos ensages en tres minutas, mas una maliciosa passa al pè d’Elòi Pelissièr trapava Whitehead a la recepcion. L’ensag de Broughton a la còrna podiá pas cambiar lo sòrt de la partida e enlevar la primièra victòria 34-10 e los dos primièrs punts al classament pels Dracs. Divendres en serada, un talhon bèl espèra la formacion catalana en deplaçament cò dels campions: los Combatents de Wigan.
 
 
Fin de las fasas de classament en campionat
 
Aquesta dimenjada, serà lo darrièr torn del segond torn del campionat mas per la qualificacion dirècta per las mièjas finalas (Tolosa e Lesinhan) e las oposicions del primièr torn de barratge (Carcassona-Palau e Vilanuèva-Avinhon), los jòcs son ja faits. Serà doncas un darrièr torn que virarà als preparatius per las partidas eliminatòrias que vendràn. Dins la pola bèla, aqueste dissabte (18h), Tolosa reçauprà los Dragonets mentre que dimenge al Molin, l’FC Lesinhan reçauprà la vesita de Limós.
 
En pola B, dimenge de vèspre, Vilanuèva reçauprà Realmont e, a Baó, Palau ensajarà de se ratrapar de sa desfaita a la partida anar. En pola C, dissabte, Avinhon jogarà a Lion e Albi serà sus la pelena de l’estadi Domèc a Carcassona.




Alan Roch



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

Una minuta de silenci

Colcada sul lièch d’aquel espitalòt de província, la vielha èra a mand de crebar. Fasiá longtemps qu’èra maltractada, e malgrat qu’aguèsse ...
giny

Lo temps

Mapa
  • nuvols Agen 8 2
  • nuvols Aush 10 2
  • nuvols Bordèu 2
  • sol Briançon 1 -13
  • nuvols Caors 9 1
  • nuvols Carcassona 8 1
  • nuvols Clarmont-Ferrand 6 0
  • nuvols Confolent 11 1
  • sol Gap 9 -2
  • nuvols La Canau 10 3
  • sol La Gàrdia 11 2
  • nuvols_parcials La Torre de Pèlitz 6 -1
  • nuvols Limòtges 11 1
  • nuvols_parcials Lo Borg Sant Dalmatz 8 -1
  • nuvols Lo Puèi de Velai 7 -1
  • sol Marselha 11 1
  • pluja Montpelhièr 8 4
  • nuvols Naut Aran 8 -1
  • sol Niça 2 -8
  • pluja Nimes 9 3
  • nuvols Pau 8 2
  • nuvols Peireguers 7 1
  • nuvols Rodés 8 -1
  • nuvols Tolon 13 1
  • pluja Tolosa 8 3
  • nuvols Valença 0

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Coserans: Sent Líser, Casavèth, Sent Guironç, Saurat...

  • © Anhès Rossinhòla

    Vista d'A Torbia, de Mónego e dal mont Agel despí Lai Barrai (comuna de Pelha, Gavotina marítima)

  • Val d'Aran, cap de Gasconha

  • De bandièras occitanas a la manifestacions dels Gilets Jaunes, Tolosa 8 de decembre 2018

  • Occitan e economia: "occitanitat mai o mens visibla"

  • Arle. © Carles Pino

    L'occitan per carrièras (concors de prima 2014)

  • Zep Armentano

    25au Corsa Aran per sa Lengua

  • Fèsta occitana a Barcelona, a l'ocasion del cinquen anniversari de Jornalet

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Castelar

  • © Asalaís Moniguet

    Montpelhièr la lengadociana

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Laurenç Revèst

    Dau castèu de Grimaud

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Aure Séguier

    Carnaval Biarnés 2017

  • Patrici Baccou (Lengadòc)

    Concors de preseps de Jornalet 2016

  • © Laurenç Revèst

    Besièrs, preséncia d'occitan en ciutat e CIRDOC

  • © Aure Séguier

    Carnaval Biarnés 2017

  • Occitan e economia: "occitanitat mai o mens visibla"

giny

Las mai...

publicitat

LATERAL1 300X250: radio pais

giny

Sondatge

Creses qu’es important de participar al grand debat de Macron?


24%



28%



48%



0%




Vots 29 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)