Bandièra01 1180x150: Comuna de Tolosa

Actualitats

Irlanda a aprovat la disciplina fiscala europèa amb 60% dels vòtes

La participacion a la consultacion non inalienabla del govèrn irlandés es estada a l’entorn de 50%

| William Murphy
60% dels irlandeses qu’an participat al referendum sul Tractat Europèu d’Estabilitat, Coordinacion e Governança (pdf) an votat afirmativament, segon los resultats oficials anonciats divendres. Lo tractat foguèt signat lo 2 de març per vint e cinc caps d’estat de l’UE, valent a dire per totes, levat los del Reialme Unit e de la Republica Chèca. La participacion a la consultacion non inalienabla del govèrn irlandés es estada a l’entorn de 50%, coma d’abitud dins la majoritat de consultacions que se son fachas en Irlanda.
 
Lo tractat obliga los païses signants d’introdusir dins la lor constitucion un limit de deficit public de 0,5% del PIB e compren de sancions automaticas per los païses que supèren 3% del PIB. Irlanda se desmarquèt del rèsta dels païses signants quand convoquèt al mes febrièr lo referendum a la demanda del procuraire general irlandés. S’agís del solet estat europèu qu’a consultat los ciutadans sus aquel tractat.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article