Bandièra01 capçalera  1180x150: Botiga

Actualitats

Rugbi Top 14. Tolosa-Tolon una finala en roge e negre

| chjmb2000

Cau notar que dens las duas partidas n'avem pas vist un ensai. De mei, notaram lo manca de professionalisme de la Liga Nacionau de Rugbi. Lo pielar tolonés Carl Haymar ne pòt pas jogar las fasa finauas pr'amor purja una suspension de quate setmanas infligida per la comission europèa apuei un carton jaune pres en finau europèa per placatge dangerós. La setmana passada lo jogaire catrés Iosefa Tekori fut expulsat per tanben un placatge dangerós. La comission de la LNR li donèt un sursis. N'es pas trop seriós de véder que las suspensions ne sian pas las medishas au nivèu europèu e francès, sustot en fasa finau de campionat.


Tolosa 24-15 Castras
 
Tolosa ganhèt shens engèni mès profeitèren de l'innoncencia deu joc deus castrés qui ne saboren pas marcar los punts au bon moment. Pensam au hèit que los tolosencs prirent dus cartons jaunes a la trenta quatau e trenta setau minutas. Los tarnés manquèren abans la tempsada l'accion d'ensai a ne pas mancar on Evans ne podót pas concretizar un expleit personau de 50 metres dab un retorn desesperat de Vincenç Clerc. En seconda mieitemps, sus dus mescladas, los tolosencs obtienuren dus penalitas hòrt importantas e tranformadas per McAliste.

 
Tolon 15-12 Clarmont
 
Ne sabem pas si podem parlar de suspresa mès sus la partida los mielhors an ganhat. Era una vertadièra partida de fasa finau dab una ploja quasi permanenta. Tot se joguèt au pè. Wilkinson dab un 100% permeiteish aus tolonés de ganhar una partida complicada. Mès los tolonés saburen s'adaptar aus condicions climaticas, shens har d'en avant en seconda tempsada. Lo contrari deus clarmontés que portèren benleu trop la veishiga a la man e firen mei de sheis en avant, tròp per una semi finau de campionat. Sustot que la defensa de Tolon èra plan en plaça e ne s'ei pas jamèi retrobada en dificultat.
 
Donc la setmana que vien se jogarà en finala un Tolosa - Tolon com en 1985 e 1987.



Eric Goyhenne

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article