Actualitats
D’afrontaments a Tolosa dins l’encastre d’una manifestacion d’ultradrecha
La manifestacion del collectiu francés Jour de Colère virèt a la batalha amb los contramanifestants antifaissistas
Una manifestacion de tipe ultradrechista se passèt a Tolosa dissabte passat amb de grèus afrontaments. La manifestacion, que se passava tanben a Bordèu, Montpelhièr e sièis autras vilas de l’estat francés, voliá èsser la seguida d’una manifestacion que se debanèt a París lo 26 de genièr passat, a l’iniciativa d’un nòu collectiu francés d’extrèma drecha nomenat Jour de Colère (jorn de colèra), que demanda la demission del president francés, François Hollande.
A Tolosa, los manifestants vegèron que lo nombre d’opausants que i aviá per carrièras èra superior, çò que provoquèt que de joves integristas catolics, omofòbs e ultradrechistas se batèsson amb los collectius d’esquèrra e antifaissistas que mostravan lor oposicion. Rapidament, la manifestacion virèt a la batalha entre manifestants e contramanifestants, separats per un cordon policièr.
Los collectius antifaissistas an plangut que la polícia feriguèsse dos contramanifestants e n’arrestèsse cinc, dont un rèsta encara en gàrdia a vista.
France 3 de Miègjorn-Pirenèus ne faguèt un petit reportatge.
A Tolosa, los manifestants vegèron que lo nombre d’opausants que i aviá per carrièras èra superior, çò que provoquèt que de joves integristas catolics, omofòbs e ultradrechistas se batèsson amb los collectius d’esquèrra e antifaissistas que mostravan lor oposicion. Rapidament, la manifestacion virèt a la batalha entre manifestants e contramanifestants, separats per un cordon policièr.
Los collectius antifaissistas an plangut que la polícia feriguèsse dos contramanifestants e n’arrestèsse cinc, dont un rèsta encara en gàrdia a vista.
France 3 de Miègjorn-Pirenèus ne faguèt un petit reportatge.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Justament, ne sèm, dins lor sicap, al "Jorn de la bèstia" : "Jour de colère" es la traduccion en francés d'un passatge de la pregària del "Requiem", la pregària pels mòrts, que ditz en latin de la gleisa de Roma "Dies irae". En mai de niflar maissantament a ultradreita, aquò pudís qu'enfalena a reaccion cuol-benesida integrista catolica. Nos i mancariá son que lo tornar d'entre los mòrts de l'autra vibra verinosa de Folquet de Marselha.
A força de plegar dins l'envelopa lo beletin del FRONT sonque per gratilhar o mendar sai pas quin messatge indescriptible als politics, es plan normal que la BÈSTIA se desrevelhe e s'espandisca a son aise!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari