Bandièra01 1180x150: Comuna de Tolosa

Actualitats

An proclamat la Republica Populara de Donetzk a la sedença del parlament regional

D’activistas pròrusses ocupèron l’edifici institucional la dimenjada passada

Los problèmas intèrnes en Ucraïna, après l’adesion de Crimèa a la Federacion Russa, son pas acabats. Los territòris de l’èst del país contunhan d’èsser convulsats amb de movements pròrusses qu’exigisson la separacion e l’annexion a Russia. Aquesta dimenjada passada d’activistas an ocupat divèrsas bastissas oficialas de qualques vilas de l’èst, dont lo parlament regional de Donetzk. Ièr, s’i legiguèt un comunicat de proclamacion de la Republica Populara de Donetzk —coma o podètz veire dins lo vidèo çai jos—. Mas i a de confusion sus qui a fach aquela proclamacion: l’agéncia de nòvas russa Itar-Tass ditz qu’o an fach los deputats del parlament regional, del temps que la cadena Russia Today ditz qu’o an fach los activistas.
 
Lo primièr ministre d’Ucraïna, Arsenii Petrovych Iatzeniuk, a denonciat un plan rus per desmembrar lo país e acusa Moscòu de voler ocupar las regions russofònas. Segon lo primièr ministre las tropas russas son solament a 30 quilomètres de la frontièra èst d’Ucraïna, ont se concentran los incidents.
 
Ucraïna a denonciat tanplan la mòrt d’un oficial de la marina d’Ucraïna a l’èst de Crimèa, fusilhat per un soldat rus.



Video streaming by Ustream

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Claudi Balaguer (Capsot) Millars (Catalonha del Nòrd)
12.

#11 Mon paure amic, as un problèma grèu de geopolitica per pas dire d'autras causas. Te cal anar passejar en Russia o viure ailà se te pensas qu'i vivon dins una democracia... Potin donèt pas jamai de gas a Ucraïna, lo vendiá a una tarifa preferenciala amb de contrapartidas pro importantas... mas pensi pas que t'interèsse, siás talament obsedit per la (o puslèu una supausada) lucha contra lo capitalisme que te pensas que Potin doncas es l'enemic del capitalisme e doncas ton amic... segur es pas lo capitalisme que govèrna en Russia!!!

Mas bon, globalament val pas la pena de respondre de tot biais a las personas que vivon jos alucinogèns... e qu'an pas ges d'arguments ni mai de pròvas per enfortir çò que pretenon dire...

Tornem a çò important, Ucraïna: la situacion ven encara mai grèva actualament. L'airal de Slavianka es estat pres per de fòrças especialas que coma en Crimèa an pas d'identificacion mas que se pòdon conéisser coma russas per son armament (plan modèrn e nòu...) e dins d'autras vilas estrategicament importantas per la preséncia d'aeropòrts e de camin de fèrre... Un ponch positiu dins una vila de l'Oblast de Donetsk (Krasny quicòm me pensi...), lo pòble capitèt d'empachar las fòrças d'ocupacion de progressar...
Pas cap de responsa ni mai de preséncia del govèrn... Novorussia sembla de començar amb lo desespèr de la majoritat del pòble ucraïnian...

  • 0
  • 0
manjacostel Murèth
11.

Los comentaris fachs son clars. Mòstran plan las nòstras pichonesas intellectualas...
Imaginem una segonda que Quebèc o Valonia demandan son estacament a Franca .
Puta que ne bramarián de contentament las cadenas francesas...E trobariam totas las rasons d'o far.
Mas son los russas , los slaves qué ! Qu'an pas encara comprés qual es lo mèstre del monde .
Que Russia deu este matada? Mas per de qué? ... Per aver pas escotar lo monde liure? La capitala francesa? Per pas servir de resèrvas de matièras primièras a China. I a tres pes e tres mesuras ....
Los grands pais esclauvagistas del monde liure, ( veire trabalh de memòria oblidat dins AOF AEF e Indochina) o pòdon pas reconéisser aquel biais de far , que Kosovo vòta tota sol per quitar la Serbia l'amiga de Russia es normal França crida son benastre ... Que Crimèa vòta per quitar Ukraina es pas normal, França crida qu'es grèu? .
Los tatars ? los berbèrs? los tibetans? los saraois? los occitans? E tant e maites pòbles esclafats ...
Paures que cridan França Anglatèrra e totes las autras servicialas del FMI ?
Als USA es que los apaches vòtan, los cherokees, los navajòs? Endacòm los incas ? los quichuas? los aborigenas? Es que votaràn un jorn per tornar trobar son pais ? Cresi pas! normal ? D'acòrdi !?. Mas nos cal servar lo meteis rasonament en fasent son analisi, de tot çò qu'arriba , e per totes los pòbles ont que sián non?
Fabius l'òme qu'envegèt de talibans francés en Siria, que nos donèt l'eurò e que n'es gloriós... . O ditz clarament Franca serà d'en pertot o cal fotre la mèrda , ( veire lo Rwanda e contenta ambe aquò) per demorar co que sèm venguts , una de las canhòtas coetajantasedel circ de l'OTAN ,que volonta de mestrejar lo monde , coma pòt , vist qu'es vengut un molon de bren cubèrt de sang.
Doncas s'ai plan seguit l'afar ; cal que Poutine contunha de donar petròli e gas a Kiev mentre que los de Svoboda lor escupisson dessús de longa .
Imagenem que Castro vira Obama de Guantanamo. Imaginatz que Poutine se monta una basa de guèrra a Cuba.... Seria pas normal ? Si? NON? . Mas que l'US navy anisa a Odessa , seria normal? SI ?NON ?BENLEU?
Podem dire çò que volèm , mas la responsa pòt pas èstre diferenta en fàcia de las meteissas questions, o cal explicar clarament çò que càmbia. Per ieu ren de novèl ...
Totjorn l' imperialisme occidental que roïna lo monde e poiris l'avenidor!
Aqueste còp per pas morir colha o manipulat de longa coma un espaurugal de pacotilha soi del costat de Polidor , es a dire de Poutine.


  • 0
  • 1
Claudi Balaguer (Capsot) Millars (Catalonha del Nòrd)
10.

Pas cap de cambiament malgrat la fin de l'ultimatum... lo govèrn ucraïnian sembla impotent (per contra o foguèt pas gaire dins l'arrestacion e execucion de Sashko Bily, lo membre de l'organizacion fascistoïda Pravy Sektor...) e i aguèt la rumor que las fòrças armadas (lo grop Alfa) se refusèt d'atacar lo bastiment a Donetsk, mas las informacions son de longa potencialament manipuladas o manipulablas. I aguèt una reunion a Donetsk amb lo potentat local e globablament lo poder sembla de cedir pro sistematicament a las pressions e manipulacions dels oligarcas que probablament son d'instigadors potencials d'aquelas "rebellions". Agantèron una espia russa e un dels comandaires del bastiment a Donetsk es aparentament tanben un rus, vengut "ajudar sos fraires"...
Tot aquò marca mal, an d'astre (relativament) de pas èsser encara envasits, que lo pati seriá alara mai gròs encara. De problèmas son apareguts tanben dins d'autras vilas coma Odessa, e se pausa ara lo problèma d'Oleg Tsarev/Tsariòv e sa russofilia aguda que se vòl presentar a las eleccions per embestiar... Veirem...

  • 0
  • 0
Claudi Balaguer (Capsot) Millars (Catalonha del Nòrd)
9.

Un comentari annèx que pòt interessar, ja que concernís un catalan. Aparentament s'es votat una resolucion a prepaus de Russia/Ucraïna e per çò qu'es de l' "amendment 15" un catalan de CDC, Jordi Xuclà, a votat contra... mas ai pas pogut saber exactament çò que compreniá aquela votacion.

  • 0
  • 0

Escriu un comentari sus aqueste article