Bandièra01 1180x150: Comuna de Tolosa

Actualitats

Lo Partit de la Nacion Occitana present a las eleccions europèas

| Josep Renalias
Una eleccion n’embandís una autra. Aquò se sap ben pro, lo 25 de mai de 2014, los ciutadans de l’Union Europèa son apelats a elegir lors eurodeputats. En aquesta annada de referendum per l’independéncia en Escòcia e en Catalonha, l’avenidor de las nacions encara sens estat de l’Union serà, coma fins ara o es jamai estat, al centre de las discussions. Per aquestas nacions, l’enjòc de la consulta serà d’intervenir al prèp de lors opinions publicas per fin de las convéncer d’obrar per bastir una Euròpa dels pòbles, federala, democratica e sociala.
 
Coma o faguèt al moment de la darrièra consulta europèa de 2009, ongan lo Partit de la Nacion Occitana (PNO) se lança tornarmai dins la batèsta. Atal, dins la circonscripcion estatala dicha “Sud-Oèst” (Sud d’Occitània levat d’Aran e de Provença), los militants del Partit de la Nacion Occitana son a l’iniciativa d’un collectiu qu’apèla los nacionalistas occitans, bascos e catalans a lo rejónher per portar naut e ferme lors revendicacions comunas. Aquel collectiu presentarà una lista d’union que lo centre de sas proposicions serà una reforma de l’Union cap a una Euròpa dels pòbles.
 
Tal coma per las precedentas eleccions europèas, lo PNO menarà campanha. Prepausarà a las ciutadanas e als ciutadans occitans de descargar lor bulletin de vòte sus Internet per poder exprimir, dins las urnas, lor sosten a una politica de reconeissença e d’afirmacion de la nacion occitana en Euròpa.
 
 
 
 
Sèrgi Viaule

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
16.

#14 Perqué pas? Mas caldrà tanben que totas aquelas sensibilitats trabalhen tanben ensems per far país! Es çò qu'es a se passar en Catalonha.

  • 7
  • 0
Domergue Sumien Ais de Provença
15.

#14 Çò qu'ai ja denonciat se verifica encara: dins lo movement occitan, son totjorn leis antinacionalistas primaris que se mòstran lei pus agressius, lei pus intolerants, lei pus malonèsts e lei pus fanatics, coma de costuma...

  • 8
  • 2
Ernèst Guevara Jr. L'Avana
14.

Çò que me geina, a ieu, amb un PNO, e mai amb un POC, es pas brica çò que son, ni mai çò que se dison èsser. Mas çò que voldriái aver nas e nas, es una esquèrra republicana occitan, un partit liberal occitan, un partit socialista occitan totalament independent del partit socialista francés, un partit comunista occitan. Lo solet partit que me mancarà pas jamai, serà un front nacional occitan…

En escrivent aquò, vòli significar que de fargar un partit (o mai d'un) a l'entorn del solet concèpte de nacion occitana pòt pas bastar. Quand parli e pensi poltiica, pensi capitalisme e/o anticapitalisme. Lo fait, en Occitània, dèsser favorable a la lenga occitana, a sa cultura, m'es u pauc coma d'èsser ecologista. Per ieu, aquò's pas un partisanisme, mas una simpla postura de bon sens, una postura civica elementària. La question capitalista o anticapitalista es la sola que valga en poltica. L'occitanisme deu demorar dels dos costats d'aquela oposicion, en tèrme de NORMALITAT.

  • 14
  • 0
Tonin
13.

#10 "En 50 ans aquel partit a pas jamai capitat d'aver un sol conselhièr municipal"

=> Consultar : http://media.wix.com/ugd/cc1e3b_4db786ddc0ae40559eca232a6076627e.pdf

de çò que sabi en 2014 (se m'engani, lo mond que sap corregirà) i son dos elegits al mens :
Felip Bonnet : Marinhac
Bernat Fruchier : Luceram amb lo site : http://vitaluceram2014.canalblog.com

en 2008 foguèron 3 candidats sembla : http://p-n-o.org/Municipalas2008.htm

Consultar mai lo site e veire l'istoric de la preséncia del PNO a las eleccions, es notat al mens dempuòi 1986 : http://www.p-n-o.org/resultats.htm

"S'avètz la pasciença de legir lor argumentari coma o prepausa lo Senhèr Grande veirètz tanben l'absencia de projècte politique, levat lo de la revendicacion linguistica, coma los vèrds o lo modem"

=> Alèra avètz segurament pas legit :

www.p-n-o.org/entrada.php e dedins http://www.p-n-o.org/Programmes.htm
ni
http://lo.lugarn-pno.over-blog.org
ni
http://comunicat-pno.over-blog.com

"Un còp o dos me soi fach escarnir per de monde que preson gaire nòstra cultura a causa d'aqueles fantasistas. Alara permetètz me de balhar mon avejaire."

=> Ah, bon !? Lo PNO es conoissut al ponch que lo mond vos a interpellat sus en far lo ligam "occitan = PNO" ? Magnific ! Lo boca a aurelha fonciona o son ben rensenhats sus la politica occitana.
Mas an doblidat alèra "occitan = Partit Occitan", "occitan = Libertat!"...

  • 10
  • 1
Gerard Joan Barceló Pèiralata
12.

Pensi que seriá tanben interessant de parlar, per la circonscripcion "Sud-Èst", doncas en nonconcurréncia amb la lista del PNO, de la lista de l'eurodeputat còrs François Alfonsi portada per Regions e Pòbles Solidaris : http://r-p-s.info/PRESENTATION-PAR-REGIONS-ET

  • 7
  • 0

Escriu un comentari sus aqueste article