Actualitats
Manifestacion a Nantas per la reünificacion de Bretanha
Los movements per l’integracion e los bonets roges an causit Nantas, capitala istorica de Bretanha, mas a l’ora d’ara en defòra de la region bretona, per far pression sus lo govèrn francés
Aperaquí dètz mila personas manifestèron dissabte passat a Nantas en favor d’una vièlha revendicacion del movement bretonista: l’integracion del departament del Léger Atlantic a la region de Bretanha. Los collectius Bretanha Unida e 44 = Breizh cridèron a manifestar, en aprofechant l’interès del president francés, François Hollande, e de son nòu primièr ministre, Manuel Valls, de reorganizar l’administracion de l’estat e de reduire lo nombre de regions.
La manifestacion comencèt a 14h30 dins la Plaça de Bretanha de Nantas, la capitala istorica del país, e marchèt jol lèma “Ni statu quo ni Grand Oèst”. Se voliá metre en evidéncia davant Hollande que la volontat dels bretons, tocant una reorganizacion territoriala de l’estat, deu inclure dins la region de Bretanha lo departament del Léger Atlantic, amb la capitala a Nantas. Los manifestants tanben diguèron qu’en cap de cas acceptarián pas lo mantenement de la division actuala, ni tanpauc aquela que prevei la fusion de las regions de Bretanha, dels Païses de Léger e de Peitau-Charantas dins una macroregion del Grand Oèst.
En 2008, aperaquí dètz mila personas participèron a una autra manifestacion, tanben a Nantas, amb la meteissa revendicacion.
_____
La manifestacion comencèt a 14h30 dins la Plaça de Bretanha de Nantas, la capitala istorica del país, e marchèt jol lèma “Ni statu quo ni Grand Oèst”. Se voliá metre en evidéncia davant Hollande que la volontat dels bretons, tocant una reorganizacion territoriala de l’estat, deu inclure dins la region de Bretanha lo departament del Léger Atlantic, amb la capitala a Nantas. Los manifestants tanben diguèron qu’en cap de cas acceptarián pas lo mantenement de la division actuala, ni tanpauc aquela que prevei la fusion de las regions de Bretanha, dels Païses de Léger e de Peitau-Charantas dins una macroregion del Grand Oèst.
En 2008, aperaquí dètz mila personas participèron a una autra manifestacion, tanben a Nantas, amb la meteissa revendicacion.
_____
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca amics bretons! Endavant!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari