Bandièra01 1180x150: Comuna de Tolosa

Actualitats

Aurèlia Lassaque al Festenal Internacional de Poesia de Recife (Brasil)

L’escrivana occitana a tirat l'atencion e la curiositat del public e de la premsa locala

Aurèlia Lassaque
Aurèlia Lassaque | Suomen Pen

Tèxte legit

Uèi comença la primièra edicion del Festenal Internacional de Poesia de Recife, que fins a dimenge vòl "integrar lo circuit de festenals internacionals de poesia qu'existisson en America del Sud e Euròpa", segon Wellington de Melo, escrivan e coordenaire de literatura al Secretariat de la Cultura de Pernambuco.


L'escrivana occitana Aurèlia Lassaque representa Occitània al Festenal. E mai se la jove poèta occitana es pas gaire coneguda en Brasil, la siá preséncia a tirat l'atencion e la curiositat del public e de la premsa locala. Lassaque participarà a una jam poetica amb lo musician João Menelau, e mai a una taula redonda amb lo doctorand en literatura occitana Márcio de Oliveira e lo musician e poèta Silvério Pessoa; aquel es conegut en Euròpa per las siás collaboracions amb d'autres artistas occitans, mai que mai amb La Talvera.
 
Demest los convidats internacionals, que i a de noms coma Ron Whitehead, Carlos Nejar, Luís Serguilha, Ernesto de Melo e Castro, Ricardo Domeneck, Mauro Lo Coco, etc.
 
Lo festenal es organizat pel Secretariat de la Cultura de Pernambuco e la Fondacion del Patrimòni Istoric e Artistic de Pernambuco (Fundarpe).  Al programa i aurà de corses, de taulas redondas, de performanças, d'ajustas poeticas, de declamacions… dins lo polit encastre de la tor Malakoff, un ancian observatòri astronomic bastit al centre de Recife pendent lo sègle XVII.
 
Recife es la  capitala de l'estat de Pernambuco dins la còsta nòrd-èst de Brasil. S'agís d'una vila celèbra per la siá tradicion poetica. I son nascuts qualques unes dels mai grands escrivans brasilièrs: Manuel Bandeira, Carlos Pena Filho, Joaquim Cardozo, João Cabral de Melo Neto… Dins aquel contèxt, que Recife i vòl integrar lo circuit internacional de festenals literaris en se dedicar a la poesia, aquel genre literari que va totjorn amb l'indústria culturala e que s'impausa coma l'art del non-conformisme.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Recife
5.

Fernando Pessoa, o mais grande poeta da língua portuguesa dizia: "minha pátria é a minha lingua". Veritat universal que ens serveix tant a occitans com a catalans

  • 4
  • 1
Pons de Castèl Verdun Castèlverdun de Savartés
4.

E ben al mens, amb aquela dilpomata de qualitat, Occitània, intellectualament e artisticament, serà fòrt plan representada. Òsca !

  • 3
  • 2
Márcio de Oliveira (Marçau d'Oliu) Recife/Tolosa
3.

Pichòtas rectificacions :

- João Menelau
- João Cabral de Melo Neto

E per ne conéisser melhor la programacion (Aurèlia jogarà lo divendres de vèspre a 21h30 e discutirà amb Silvério lo dimenge a 16h30) : http://festivalinternacionaldepoesia.com/

  • 3
  • 0
Pirolet
2.

Aquò de pas ésser profeta dins son país es mai verai encara en Occitània qu'endacòm.

  • 3
  • 1
Gerard Recife
1.

Soc un catala qu viu a Recife. Intentare no pas perdre, m l, actuacio dec lax poetissa occitana

  • 4
  • 0

Escriu un comentari sus aqueste article