Actualitats
Marselha: la justícia a declarat illegala la practica del “finit-partit”
Dempuèi divendres passat es illegala aquela practica dels escobilhaires, pachada entre lo sindicat FO e la comuna, que lor permetiá de partir del trabalh abans l’ora, tre aver finit lors tornadas amb un camion
Divendres passat, la cort d’apelacion administrativa de Marselha anullèt çò qu’apèlan lo “finit-partit”, una practica dels emplegats del netejatge public que lor permetiá de partir del trabalh abans l’ora, tre aver finit lors tornadas amb un camion. Es un vièlh acòrdi entre lo sindicat FO dels escobilhaires locals e la comuna de Marselha.
Los detractors dison qu’aquel sistèma incita los escobilhaires a trabalhar mal, a netejar pauc las carrièras, car se despacharián de finir lors tornadas en camion per partir lo mai lèu possible. Dins aquela linha l’avocat Benoît Candon s’emparèt d’“un enjòc politic màger, lo netitge de las carrièras”, per reprene los tèrmes de l’acusadora publica Sanaa Marzoug.
Divendres, doncas, la cort declarèt illegala aquela organizacion del trabalh en seguissent las conclusions de l’acusacion publica, qu’estimava dempuèi tres setmanas, quand comencèt l’audiéncia, qu’aquel ponch del reglament interior de Marselha Provença Metropòli (MPM, responsabla de la collècta de las escobilhas e del netejatge), l’aurián degut discutir abans amb las organizacions sindicalas, e l’aurián degut sometre al vòte dels conselhièrs comunautaris, çò que foguèt pas lo cas.
Aquela practica del “finit-partit” es pas una anecdòta mas un exemple de mai de l’abandon politic de la Ciutat Focèa. Lo servici de netejatge public es contrarotlat pel sindicat FO, que monopoliza los emplecs. Aquel sindicat se permetèt, fa gaire, de nomenar lo cònsol de Marselha coma membre d’onor del sindicat, çò que Gaudin acceptèt.
Los detractors dison qu’aquel sistèma incita los escobilhaires a trabalhar mal, a netejar pauc las carrièras, car se despacharián de finir lors tornadas en camion per partir lo mai lèu possible. Dins aquela linha l’avocat Benoît Candon s’emparèt d’“un enjòc politic màger, lo netitge de las carrièras”, per reprene los tèrmes de l’acusadora publica Sanaa Marzoug.
Divendres, doncas, la cort declarèt illegala aquela organizacion del trabalh en seguissent las conclusions de l’acusacion publica, qu’estimava dempuèi tres setmanas, quand comencèt l’audiéncia, qu’aquel ponch del reglament interior de Marselha Provença Metropòli (MPM, responsabla de la collècta de las escobilhas e del netejatge), l’aurián degut discutir abans amb las organizacions sindicalas, e l’aurián degut sometre al vòte dels conselhièrs comunautaris, çò que foguèt pas lo cas.
Aquela practica del “finit-partit” es pas una anecdòta mas un exemple de mai de l’abandon politic de la Ciutat Focèa. Lo servici de netejatge public es contrarotlat pel sindicat FO, que monopoliza los emplecs. Aquel sindicat se permetèt, fa gaire, de nomenar lo cònsol de Marselha coma membre d’onor del sindicat, çò que Gaudin acceptèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se pòt imaginar aquel sistèma "finit-partit" per d'autras professions? De qué vesètz : un brave tarabastal social e material ? Ont es l'egalitat e ont es la consciéncia professionala ? Marselha deu pas venir la vergonha d' Occitània ! Aquò sufis !
Que m'estoni se la carrèra ei en l'estat que védem sus la fòto pr'amor deu fenit-partit, o s'ei l'estat de las carrèras qui'us da ganas de fenir de d'òra…?
Pr'amor que cau adméter, se tròban lo salopèr atau esparrisclat, praubes bordilhaires ! qu'an excusas per n'avèr lèu hartèra.
Lo "finit-partit" qu'ei mau vist en França per'mor qu'ei considerat com un manca de seriós mes qu'èi entenut que dens los país escandinaus que's hè e qu'ei meilèu vist com un signe de bona performància : s'acabam lèu qu'ei per'mor que tribalham viste e n'empacha pas de tribalhar plan.
Per Marselha ne sèi pas s'ei ua bona o ua maishanta causa que s'arrèste aquò.
Que caleré demandar a ua persona qui i viu ... Casa, un comentari?
Es pas a FO-Marselha que n'i a que se suïcidan d'un còp de pistolet dins lo copet? (veire lo "Canard enchaîné" de l'epòca)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari