Bandièra01 1180x150: País Invisible

Actualitats

crotz-tolosaCreated with Sketch.GasconhaBigòrraLavedan

Tèrratrem de 4,7 en Bigòrra

Lorda Bigòrra
Lorda Bigòrra | Stephane Martin
Ièr dimars, a 9h03, se passèt en Lavedan un tèrratrem de magnitud 4,7 sus l’escala de Richter. L’epicentre se trobèt entre los vilatges de Sant Criac e Juncalàs, e se sentiguèt fòrtament a Lorda, segon d’informacions de Lourdes Actu.
 
Lo santuari de Lorda foguèt evacuat, segon çò que raportèt Europe 1, mas pas la basilica, refortida amb de betum antisismic.
 
Qualques minutas après lo tremolament, seguiguèron cinc replicas, una de magnitud 4,4 e las autras de mens en mens intensas.
 
Cap de damatge grèu s’es pas passat. Solament lo sector d’Argelèrs de Gasòst se vegèt privat d’electricitat pendent qualques oras.
 
Lo tèrratrem, que l’an quitamet sentit en Bearn e en la Val d’Aran, es degut a la compression de la Placa Africana sus la Placa Eurasiatica, que se tòcan als Pirenèus.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article