Bandièra01 capçalera  1180x150: Novestivada

Actualitats

crotz-tolosaCreated with Sketch.Gasconha

S’ausiguèt una fòrta explosion dins lo cèl de Bordèu al passatge d’un avion supersonic

Dos avions del tipe Rafale portèron assisténcia a un avion en linha, e un d’eles despassèt lo mur del son

| Ian Dick
Una fòrta explosion s’entendèt dimenge passat a 14h dins lo cèl de Bordèu, que s’entendèt fins al sud de Bretanha, segon mantes fiulets publicats sus Twitter per d’usatgièrs de l’endrech. Aquel efièch sonòr se passèt après qu’un avion de tipe Rafale depassèsse lo mur del son.
 
Un avion Boeing de la companhiá estatsunidenca United Airlines, que fasiá son trajècte entre Roma e Washington, perdèt lo contacte de ràdio quand subrevolava l’espaci aerian francés. L’aparelh aviá trobat de dificultats amb son sistèma de ràdio. Per recuperar lo contacte l’armada francesa mandèt dos avions de tipe Rafale de la basa aeriana del Mont de Marsan (Lanas Petitas), dont un d’eles foguèt autorizat a despassar lo mur del son per se rendre, lo pus lèu possible, al contacte del Boeing.
 
Lo mur del son es un fenomèn fisic aerodinamic que se passa en despassar la velocitat del son dins l’aire, qu’es de 340 mètres per segonda, o 1224 quilomètres per ora.
 
_____
— France 3 Aquitaine: Un Rafale franchit le mur du son pour aller porter assistance à un avion de ligne
Sud Ouest: Explosion de Bordeaux à La Rochelle: un Rafale passe le mur du son pour contrôler un avion

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
3.

#2 As rason Estève! E ieu ajusti: e de qué fa lo governament? Es la question que brami quand i a tròp de secada, quand plòu mai de 40 jorns seguits, quand ai caçat un raumàs, quand ai perdut al lotò, quand la fotra me pren... Ieu siái perfièch, son los autres que fan pas son trabalh, te disi!

  • 3
  • 1
Estève
2.

#1

Al luòc de romegar: perqué escriguères pas un article pel Jornalet pel dimenge de ser per exemple ? Aital auriam agut lo plaser de legir aquela informacion tre lo diluns de matin.

  • 9
  • 0
pjm pjm
1.

dimenge, diluns, dimars....dimècres !
ha òc, verai, me'n brembi adara d'aquesta explosion. sud ouest ne parlèt dimenge au vrespe !
urosament que n'èm informats uèi, es una novela de purmèira importància.

  • 4
  • 11

Escriu un comentari sus aqueste article