Bandièra01 1180x150: País Invisible

Actualitats

crotz-tolosaCreated with Sketch.Valadas OccitanasValadas Occitanas

Dançar occitan en 3D

A Fossan venre 8 de junh la “Premiera” per la Província de Coni de la nòva creacione Carovana Balacaval 2012

| Chambra d'Òc

A Fossan, en Plaça Cardinale Pellegrino, derant de la gleisa de lo Sant Esprit, a 21 oras de venre 8 de junh, l’Associacion l’Abelha presentarè en “premiera” per la Província de Coni la nòva creacion Carovana Balacaval 2012 “Dançar occitan en 3D.

 


Aquò que vòl passar aqueste nòu espectacle-bal. son las tres dimensions de la dança: la memòria, lo passatge entre generacions, la música e lo chant. En partent da registracions fachas entre lhi ans 70/80 da mi e da Dario Anghilante, a sonadors coma Joan Bernardi e Jusep dal Ros de Sant Peire, Titin dal Vernant, Batistin Galián de Blins, s’intra dins un mond qu’es finit, tot es chambiat, mas la tentativa di Balacaval es aquel de presentar al grand public di balarins e a un public mai larg un pauc d’istòria en merit a la redescobèrta de la música e de las danças occitanas, rendre omatge a testimònis d’aquel temp. Un periòde caracterizat da una bassa sensibilitat vèrs lo passatge de la memòria , era lo temp de la granda especulacion edilícia dins las valadas Occitanas, lo temp dal cosmopolitisme, onte lo dich mai comun era : “ma que voletz recuperar, dins qualques annadas tuchis parlarem anglés e tot aquò que fasetz servarè pas a ren!”.

Es gràcias an aquesti sonadors qu’an volgut metre a disposicion lhi lors sabers a de “militant occitanista”, vist dins aquel temp coma marginals e divergents, que aquelas valors an polgut èsser passaas a d’autras generacions.

Es gràcias an aquelas recèrchas da pioniers, fachas abo gaire de meians e abo registrators emprobables, que dins lhi ans d’après ben de joves sonadors an polgut s’avesinar al patrimòni de música e dança d’oc e se encuei a Saluces avem un  Departiment de Música Occitana que dona la possibilitat de consegur un diplòma.

Ai coneissut e ai frequentat Joan Bernardi per qualqui ans, abo Dario Anghilante avem publiat tres 45 virs abo totas las danças de Sant Peire. Anavo abo lo grop folclorístic di Balarins de Sant Peire a balar dins las festas e dins una d’aquelas, a Vernant, avem enregistrat una conversacion ben divertenta entre Titin e Joan Bernardi que confrontavon las diferentas manieras de sonar.

Abo lo Conservatori Occitan de Tolosa siem anat a entrevistar Jusèp dal Ros que era já ben vielh, avia una novantena d’ans. La frema nos a acuelhi gentilment e el a pilhat son violon per nos far sentir de pichòts tòchs. Segur que la qualitat de l’execucion polia pas èsser perfiecha mas chal dir qu’es decò da da l’espirit de gent coma el qu’avem pilhat fòrça per far un trabalh occitanista dins un moment ont la paraula Occitània era encara un tèrme defendut.

Dançar occitan en 3D es un encrosiament entre testimonianças de sonadors, entremetz teatrals recitats da Eva Maria Cischino, chants populars e danças sonaas dal grop di musicaires de la Carovana Balacaval. Lhi balarins pòlon dançar tranquilament tot lo temp de l’espectacle, lhi espectators son chapats da novels events: una testimoniança, la proiecion multimediala de qualqua dança, tòcs de filmats...

La Carovana Balacaval restarè dins aquela plaça estòrica de Fossan decò sande 9 e diamenja 10. A 17 oras dal sande per las vias de Fossan passarè un’esfilada de carris e cavaliers, a 19 oras la lhi aurè un aperitiu en música e a 21 oras l’espectacle-bal “da la masurca a la disco músic: serada de bals de músicas dal mond. Lo programa vai anant la diamenja abo a 17 oras un cors de danças occitanas de premier nivèl tengut da l’Associacion l’Abelha e a 21 oras un grand bal occitan-folk.
 
Tuchi lhi apontaments de la Carovana Balacaval lhi trobatz sus carovanabalacavalit.wordpress.com.




Inés Cavalcanti


_____
Aqueste article ven de Nòvas d'Occitània n.113, junh 2012.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article