Bandièra01 1180x150: Comuna de Tolosa

Actualitats

L’intrada en vigor de la taxa Tobin s’ajorna fins a l’an 2016

Dètz estats arriban a un acòrdi politic per introduire aquel impòst per fasas

L’impòst europèu sus las transaccions financièras, la dicha “taxa Tobin”, intrarà pas en vigor abans lo 1r de genièr de 2016, e mai se l’objectiu inicial èra d’o far l’an que ven. O decidiguèron dimars passat a Brussèlas los ministres de l’economia dels dètz estats de l’Union Europèa qu’aplicaràn amassa aquela taxa, dont los estats francés, italian e espanhòl. Eslovènia quitèt lo grop en plena crisi politica. Los estats son arribats a un acòrdi politic minimalista.
 
L’impòst prevei de taxar los actius financièrs coma las accions o d’autres derivats. L’objectiu es que s’aplique 0,1% sus las transaccions d’accions e de bons, e 0,01% suls derivats.
 
Lo Reialme Unit, un país que depend fòrça de l’indústria financièra, s’opausa fòrtament a aquela iniciativa. Lo ministre britanic de l’economia, George Osborne, alertèt que l’impòst poiriá prejudicar la siá economia e lo mercat interior e avertiguèt que poirián pausar un recors.
 
L’intrada dins la Wikipèdia en occitan sus la taxa Tobin es fòrça completa.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lutz
1.

Seriá mai interressent de pensar una fiscalitat per las transaccions financieras que seriá mens a mens fòrta mai la persona garda sos actius. Per encoratjar l'investiment de long tèrma e descoratjar lo cort-termisme.

  • 3
  • 1

Escriu un comentari sus aqueste article