Bandièra01 1180x150: Comuna de Tolosa

Actualitats

Ucraïna: que se passèt lo 2 de mai a Odèssa?

Aperaquí quaranta pròrusses moriguèron cremats vius dins lo sèti del sindicat. D’un costat s’acusa de grops ultradrechistas e de l’autre de grops qu’an per tòca de semenar l’asirança

Aperaquí 40 personas —38 o 42 segon las fonts— moriguèron divendres a Odèssa, dins l’incendi del bastiment ont s’èran amagats, en seguida de las batèstas entre los manifestants pròrusses e los partisans del govèrn interimari ucraïnés, segon çò que publicàvem dins Jornalet.
 
D’un costat s’acusa de grops neonazis partisans del govèrn interimari ucraïnés d’aver cremat vius un quarantenat de pròrusses e d’aver tuat los que capitèron de fugir. De l’autre costat, s’acusa de grops organizats que tuan de personas dels dos costats per alucar l’asirança e provocar una guèrra.
 
 
Assassinats per de neonazis partisans del govèrn ucraïnés
 
Segon Reuters, l’incendi de la bastissa dels sindicats foguèt lo resultat de l’amassada dels suportaires ultras de doas esquipas de fotbòl, qu’ensems ataquèron un acamp de pròrusses.
 
Un collectiu antifaissista del País Valencian a publicat sus son sit web d’imatges e de vidèos, ont se poiriá veire de neonazis partisans del govèrn interimari ucraïnés a cremar lo bastiment. Los quites ultradrechistas aurián revendicat lo chaple: “En fum los separatistas”, çò dirián dins un vidèo qu’an publicat sus YouTube.
 
Dins lo sit antifaissista se pòt veire cossí tuan los que capitèron de fugir las flamas. Amb de ligams a qualques mèdias, lo sit publica tanben d’imatges que pòdon ferir la sensibilitat dels legeires.
 
 
Un chaple organizat solament per alucar l’asirança
 
Del costat pròucraïnés, creson qu’aquel chaple èra premeditat e provocat de l’interior e que se tuèt las 38 personas amb la tòca de culpabilizar los partisans del govèrn interimari ucraïnés.
 
Dmitro Tymchuk, coordenaire del grop pròucraïnés Resisténcia Informativa, assegura dins un article que “lo grop d’«inumans» que pendent la jornada fusilhavan e tuavan d’activistas pròucraïneses, aquel meteis jorn, de ser, tuavan sens pietat d’activistas pròrusses”. Tymchuk assegura que la tòca d’aquel grop d’assassins que tant aurián tuat los unes coma los autres es d’“alucar l’asirança e la guèrra entre nosautres, e”, çò ditz, “cresi que son a capitar”.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
6.



#4 E de qué disiá lo Stevenson suls cevenòls? A, vertat, aquí es la sauma que parla pas lo Loïs.

  • 1
  • 0
Pirolet
5.

#1 Coma disiá lo Blasi (Pascal, la cambra e los malurs de l'òme) per boca de Lino Ventura dins "Les tontons flingueurs": "Òm deuriá pas quitar Montalban!"

  • 0
  • 0
Jig Mimbasta
4.

#3 Bona question.
E son musulmans los aiatòllas ? Èra d'esquèrra lo Stalin ? E son liberaus los neoliberaus ?
Per un savi, mila nhòcs quina que sii la fe. Donc que s'apren a la saviesa, pas a la fe…
Que'm hè pensar en la sauma deu R. L. Stevenson : qu'avè las pecas de l'espècia e deu sèxe (sic), las virtuts qu'èran soas ('Her faults were those of her race and sex; her virtues were her own' — Travels with a Donkey in the Cevennes - 1879).

  • 4
  • 0
Gerard Joan Barceló Pèiralata
3.

#2 Mas la Glèisa de Roma es de verai crestiana?

  • 5
  • 1
Jig Mimbasta
2.

#1 Lo meriti deu pensaires crestians qu'ei d'aver formulat l'idea qu'èm tots deu medish costat de l'aiga — au reboish deu Testament Ancian. L'avossin aplicada, lhèu n'aurem pas avut las crotzadas, l'inquisicion, l'esclavatge, los genocidis / etnocidis amerindians… autandes crimis perpetrats dab la benediccion de Ròma.

  • 6
  • 0

Escriu un comentari sus aqueste article