Bandièra01 1180x150: Comuna de Tolosa

Actualitats

Boko Haram vòl escambiar las tres cents dròllas raubadas en Nigèria per una liberacion de presonièrs

Lo grop jihadista a publicat un nòu vidèo que s’i vei per lo primièr còp qualques unas de las dròllas

Lo grop jihadista Boko Haram, que fa un mes raubèt dos cents setanta sièis dròllas dins una escòla del nòrd-èst de Nigèria, a fach la primièra propòsta dempuèi lo raubament: vòlon escambiar las dròllas per la liberacion dels presonièrs de l’organizacion. Ça que la, ni lo govèrn nigerian ni las familhas an de pròvas que totas las dròllas sián vivas. Ièr Boko Haram publiquèt un vidèo suls rets socials que s’i vei qualques unas de las dròllas. Segon lo grop, son estadas forçadas a se convertir a l’islam e, de fach, sul vidèo i apareisson amb un vel que lor cobrís tot lo còrs.
 
Qualques oras abans de publicar lo vidèo, lo governador de l’estat de Borno aviá afirmat qu’aviá d’informacions sus l’endrech ont poirián èsser las dròllas, en disent que se trobavan dins lo territòri nigerian. Mentretant, las familhas de las menoras contunhan de manifestar per lor liberacion.
 
 
 
 
_____
Sèt questions e responsas sus las tres cents dròllas raubadas en Nigèria
 
Cecília Hautefeuille: Quau son los de Boko Haram?
 
 



_____
Sèt questions e responsas sus las tres cents dròllas raubadas en Nigèria

Cecília Hautefeuille: Quau son los de Boko Haram?

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article