Un fustièr de 54 ans de Marselha foguèt sequestrat e torturat a son ostal, après aver publicat un anonci per vendre una comòda sus un sit Internet d’anoncis gratuits, segon d’informacions de La Provence.
 
Lo fustièr recebèt lo messatge d’un òme interessat per l’ofèrta, mas arribèron al rendètz-vos, dimècres passat de ser, quatre òmes armats e mascats, qu’intrèron dins l’ostal del fustièr, l’estaquèron sus una cadièra e lo torturèron en li rompent la tíbia amb un tisonièr. A la fin, los malfactors s’emportèron un butin magre: un ponhat d’èuros e qualques pèças de colleccion.
 
Quand los lairons partiguèron, la victima capitèt d’alertar los secorses que lo menèron a l’espital en estat de chòc. E mai se son estat de santat es seriós, a ja capitat de liurar qualques elements als enquestaires de la polícia judiciària.