CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Actualitats

Divendres, 23 de mai de 2014, 03h00 Reportatge,Politica

L’occitanisme devesit a las eleccions europèas


Comentaris 13 comentaris    
Marrit Flac Bon Plan bon Fabulós (8 vòtes)
carregant En cargar


Las eleccions municipalas de la debuta de l’annada son estadas l’enchaison per l’occitanisme politic de s’agropar dins lo movement originau Bastir. Per las eleccions europèas, torna trobar sas divisions.


L’experiéncia de Bastir se serà pas tornada far dos mes après las eleccions municipalas. Pasmens lo movement vòu contunhar d’èsser “un luòc de reflexion e de concertacion dobèrt” e constituirà una associacion d’elegits sus la basa de l’anciana ACEÒC (Associacion daus Cònsols e Elegits Occitans) a la fin de l’estiu. Geli Grande, candidat sus la lista “Occitània per una Euròpa daus Pòbles”, dins la circonscripcion Sud-Oèst, explica que queu movement, de tot biais, “aviá per tòcha de portar daus candidats sus de las listas per las municipalas de 2014”. “Ren èra pas previst per las eleccions europèas”, çò declara. “Doncas los de Bastir que volián sosténer la lista EELV per las europèas o podián far e los coma nosautres que volián far una lista independenta avián tota libertat per o far.” L’occitanisme politic torna donc a sas chausidas estrategicas tradicionalas.
 
Occitània es partejada en cinc circonscripcions: la circonscripcion unica espanhòla e la circonscripcion Nord-Oèst italiana, ont pas un candidat occitanista se presenta, e las circonscripcions francesas Sud-Oèst, Sud-Èst e Massís Centrau-Centre.   
 
Dins lo Sud-Oèst, lo Partit Occitan presenta una candidata sus la lista EELV menada per José Bové. “Que son daus liams naturaus emb José Bové o Catherine Grèze”, çò precisa Dàvid Grosclaude, president dau Partit Occitan, a França 3, “faguèron lor trabalh a Estrasborg per çò de las lengas, e coma son ilhs que demandèron ua preséncia occitana sus lor lista, vese pas perqué auriam refusat. Partejam mai d’un ponch de visda emb ilhs sus Euròpa”. La candidata es Régine Barthélémy, avocata montpelhierenca e companha de Joan Loís Blenet, president de la Confederacion de las Calandretas. “La lenga e la cultura occitanas fan partida de ma vida”, çò ditz dins sa profession de fe.
 
L’autra lista de la circonscripcion es una lista autonòma eissida d’una crida dau Partit de la Nacion Occitana (PNO) aus militants autonomistas occitans, bascos e catalans. “L’idèa de far una lista nos es venguda au mes de novembre de 2013”, çò explica Geli Grande, numèro dos de la lista. “D’entrada es estada concebuda coma una lista de dobertura. Demandèrem au dintre dau PNO los qu’èran d’acòrdi per se far portar per las europèas. Puei demandèrem a d’autres occitanistas de nos rejónher (Iniciativa per Occitània, Libertat, País Nòstre). Iniciativa per Occitània nos respondèron que trobavan aquò interessant mas que s’investirián pas aquí dedins, Libertat respondèron negativament e País Nòstre diguèron qu’èran fòrça coentats per las eleccions municipalas. Fin finala son d’autres occitanistas sens etiqueta que nos venguèron rejónher.” Las doas autras minoritats de la circonscripcion son estadas aprochadas tanben. “Per los bascos solet lo PNV dau Bascoat Nòrd nos respondèt. Nos rescontrèrem mas poguèrem pas far lista comuna que lor lista èra ja clavada. Dau costat de Catalonha Nòrd avèm tiradas totas las esquilas... e degun venguèt per èsser sus la lista.” Entau la lista es compausada unicament d’occitanistas. “Per nòstre programa decidiguèrem de contunhar de prene en compte las revendicacions daus bascos e daus catalans de la circonscripcion Sud-Oèst”, çò precisa totparier Geli Grande.
 
Dins lo Sud-Èst, la situacion es diferenta. Lo liam sembla romput entre los autonomistas e los ecologistas. Sembla que siá en partida la constitucion de la lista EELV emb l’integracion de Karim Zeribi, qu’i menèt. François Alfonsi, eurodeputat còrs sortent, se seriá trobat au mielhs en quatresma posicion, çò qu’auriá pas assegurat sa reeleccion. Mas las relacions tendudas entre l’eurodeputat e sos aliats ecologistas i devon pas èsser estrangieras tanpauc. Entau François Alfonsi presenta una lista “Regions e Pòbles Solidaris” qu’amassa las diferentas minoritats presentas sus las circonscripcions: los occitans emb Anna-Maria Hautant e Arvèi Guerrera dau Partit Occitan, los arpitans emb Laurent Blondaz dau Movement Region Savòia e los berbèrs emb Belkacem Lounès dau Congrès Mondiau Amazigh. Lo PNO, qu’es pas present sus la lista, li pòrta totparier son sosten.
 
La darriera circonscripcion amassa tres regions: doas occitanas (Lemosin e Auvèrnha) mai la region Centre, sens vertadiera identitat, emb Berrí e la Vau de Léger. La constitucion d’una lista autonomista i es donc fòrça mai complicada. Aquí, la lista EELV menada per l’auvernhata Clarisse Heusquin es sostenguda per lo Partit Occitan quitament se pas un de sos militants s’i presenta. Sens vertadiera posicion desvolopada sus la question lingüistica, la candidata ecologista mai son esquipa aculhisson fòrça positivament l’occitan dins la campanha. Sus los malhums sociaus, esitan pas a difusar los messatges dins la lenga que pòdon far lors sostens occitanistas. Dins la lista oficiala de las candidaturas trobam pasmens una lista Regions e Pòbles Solidaris, constituida per daus militants occitans e còrs. En fach, s’agís d’una error de timing dins lo depaus de las candidaturas. Per accedir a la television, un partit deu depausar cinc listas. Èra la lista de secors per aver drech a la campanha televisada, e es estada depausada quauques minutas abans l’arribada de la lista d’otramar a la tota fin dau relambi legau.
 
Per quelas eleccions, los occitans que vòlon marcar lor estachament a la defensa de lor cultura per lor bulletin de vòte auràn dins chasca circonscripcion una lista quitament se la dinamica unitària de Bastir es pas au rendètz-vos. Mas coma o ditz Geli Grande, “los uns e los autres fan avançar la causa occitana e occitanista. Es tot çò que compta”.   
 
 
 
 
Maime Caillon



publicitat
BANER1-2-3: DGPL TRADUCTOR



Comentaris

24 de mai 22.36h

#8 A, desencusa me, t'aviai mau compres. Pensas donc que votar per EELV (dins la nòstra circonscripcion) seriá un biais de "marcar [nòstre] estachament a la defensa de [nòstra] cultura per [nòstre] bulletin de vòte" ? Es pas evident ! Aviai cresegut que pensavas qu'era en votar per RPS ... tota amagada que siá la candidatura. E pense qu'es lo sol biais de o far.
As escrich "Aquí, la lista EELV menada per l’auvernhata Clarisse Heusquin es sostenguda per lo Partit Occitan quitament se ... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de mai 09.22h

#4 es aquò, tròbi ben que se pòsque aguer la chausida entre mai d'un movement occitanista politic, tira l'occitan vèrs la normalitat, mòstra un interés multiple
cf. tanben http://lo-cogolinenc.over-blog.com/2014/05/reflexien-sus-la-diversitat.html


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

24 de mai 00.14h

#1 Me trompes o tu penses que lo Partit Occitan val pas gran cause ??? serie pas pus simple de l'escrire !!!


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

23 de mai 21.54h

-circonscripcion sud-oèst : es pas possible votar per José Bové qui a los meteisses valors que un ome qui a matat la sia dona (Bernat Cantat).

-totes circonscripcions occitanas : es dificil votar per EELV e lo partit occitan qui governa ambe lo PS jacobin (EELV) o l'apiejan (POC).

Solucion per la circonscripcio sud-oèst : votar per la lista apiejada pel PNO.


Valoriza aqueste comentari:   votar positiu 6   votar negatiu 3
Respondre comentari replica Comentari inadeqüat   Formulari d'abús de comentari

23 de mai 20.56h

#1
Cars amics d'Iniciativa per Occitània sèm tras qu'uros del vòstre sosten.
Aguessiatz volguts èsser sus la lista de plaças vos serian estadas reservadas.
Vos tornarem demandar per d'autras eleccions.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

23 de mai 17.54h

#6 Non, ai pas dich que la lista de Vaton era de bon chausir. R&PS avia finalament pas mestier de quela lista per poder aver la campanha televisada. La lista fai pas campanha, an pas fach de bulletins de vòte. Volia nonmàs explicar sa preséncia dins la lista oficiala de las candidaturas.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

23 de mai 17.50h

#5 Efectivament, ai obludat nòstres vesins charentés (ne'n son pas luenh pertant). Qu'es segurament lo fach de los pensar coma lemosins.

Obludei tanben los occitanistas de la lista R&PS de region parisenca (pense a Miriam Bras). Benleu seria possible per Farri botar un petit apondon en fin d'article ?

Mas excusas per quilhs oblits !


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

23 de mai 17.46h

#1 i a una pita contradiccion entre lo vejaire de Maime "los occitans que vòlon marcar lor estachament a la defensa de lor cultura per lor bulletin de vòte auràn dins chasca circonscripcion una lista" e lo comunicat d'Iniciativa per Occitània "Dins las autras circonscripcions que cobrisson Occitània, i a pas cap de lista que sostenga seriosament la lenga occitana". Per Maime, dins la circonscripcion "Massis Centrau - Centre", la tieira R&PS menada per Bernat Vaton es de bon chausir (e nen ... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

23 de mai 17.32h

Petit apondon a la sintesi de Maime.
Occitània es partejada en mai de "cinc circonscripcions", pòde nen comptar au mens una de mai, la circonscripcion Oest de la republica francesa, emb la Charenta lemosina (e las quauquas comunas occitanas de Vinhana). Proporcionalament, los occitans de Charenta e de Vinhana peson pas mens dins lor circonscripcion que los de la Vau d'Aran dins la circonscripcion unica espanhòla. E i a pas de candidatura occitanista dins l'Oest. Podem tamben apondre los occi... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

23 de mai 11.04h

#2 Faudria explicar un pauc mai çò que voletz dire.

Divisions : òc-plan, los occitanistas son pas partits ensems queste còp
Chausir : d'efiech an chausits de las estrategias diferentas, de las alianças diferentas e los electors dau sud-oest an la chausida dins l'occitanisme que vòlen sostener

Unitat o centralisme ? Lo movement Bastir me sembla mai una unitat, dins la diversitat, qu'un centralisme politic.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 11
  • sol Aush 10
  • sol Bordèu 11
  • sol Briançon 11
  • sol Caors 7
  • sol Carcassona 13
  • sol Clarmont-Ferrand 9
  • sol Confolent 10
  • sol Gap 9
  • sol La Canau 11
  • sol La Gàrdia 16
  • sol Limòtges 9
  • sol Lo Borg Sant Dalmatz 14
  • sol Lo Puèi de Velai 11
  • sol Marselha 15
  • sol Montpelhièr 15
  • sol Naut Aran 8
  • sol Niça 18
  • sol Nimes 15
  • sol Pau 12
  • sol Peireguers 8
  • sol Rodés 11
  • sol Tolon 9
  • sol Tolosa 12
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Aure Séguier

    Carnaval Biarnés 2017

  • Vilaweb

    Hong Kong: 17a setmana de protèstas

  • © Zep Armentano

    Era Mongetada (Val d'Aran 28-29 d'octobre 2017)

  • © Maria Millan

    22u corsa Aran per sa Lengua (26-7-2015)

  • Castelar

  • Fèsta occitana a Barcelona, a l'ocasion del cinquen anniversari de Jornalet

  • © Franc Bardòu

    Tèrra albigesa

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Franc Bardòu

    Asuèlhs de Lauragués

  • Bordèu. © Magalí Blénet

    L'occitan per carrièras (concors de prima 2014)

  • © Pep Casasayas

    22u corsa Aran per sa Lengua (26-7-2015)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • © Laurenç Revèst

    Castelar

  • Exposicion temporària sus Robèrt Lafont al CIRDOC (D.R.)

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


4%



2%



93%



0%




Vots 92 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)