En julhet passat publicàvem una crida a sosténer un projècte de microbraçariá, que farà de cervesas artisanalas a Pau. Demandavan d’ajuda, mai que mai amb de micromecenatge. En junh que ven la Braçariá Bearnesa dobrirà sas pòrtas, segon çò que publica Sud-Ouest.
 
Aqueles tres joves paulins, qu’aguèron l’idèa al Carnaval Bearnés de 2012, an capitat d’amassar los sostens que lor fasián besonh per dobrir lor pròpria microbraçariá. Al delà dels dons recebuts per micromecenatge, cal comptar lo sosten administratiu, lor aprendissatge dels procèsses de fabricacion de la bièrra e la transformacion del local qu’a tres sectors: lo de la produccion, lo de l’administracion e lo bar. Los podètz trobar al numèro 12 de la Carrèra de Vathleitosa [Rue du Balaïtous], a Pau (Bearn).