Bandièra01 1180x150: Comuna de Tolosa

Actualitats

Hollande presentarà deman las 12 regions que prepausa per l’estat francés

| Olga Berrios
Lo president francés, François Hollande, e son primièr ministre, Manuel Valls, aurián finalizat aqueste dissabte un projècte de reduccion de las regions de l’estat, que passarián de las vint e doas actualas a dotze, segon d’informacions de Le Journal du Dimanche.
 
Lo jornal francés soslinha que la faciada atlantica s’anóncia coma la mai complicada d’amainatjar, mas per çò que tanh a Occitània, aquel projècte la daissariá dins cinc regions:

— las zònas occitanas de Charanta, Endre e Char se retrobarián dins una region agropant Peitau-Charantas e lo Centre;
— la region d’Aquitània se fusionariá amb la de Lemosin;
— Miègjorn-Pirenèus se fusionariá amb Lengadòc-Rosselhon;
— la region d’Auvèrnhe se fusionariá amb Ròse-Alps;
— la region de Provença cambiariá pas.
 
Las grandas linhas d’aqueste projècte las presentarà deman lo president francés, segon çò que ditz Le Jornal du Dimanche, e la tòca d’aquela restructuracion es de reorganizar lo territòri francés e de permetre d’economias.
 
Tocant Occitània, lo territòri contunha d’èsser talhat d’un biais aleatòri, que partís Gasconha, Lengadòc e Provença dins doas regions, e que nos estaca tornarmai amb de regions non occitanofònas coma lo Bascoat, Catalonha e Arpitània. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Emmanuèl Isopet
9.

ço risolièr, soi a quichar per far estudiar als mieus escolans "las 22 regions francesas" pel Brevet de la fin del mes! E oc, es al programa! Per contra pas los departaments...

  • 1
  • 0
Emmanuèl Isopet
8.

A l'ora de la fin d'un Borbon delai Pirenèus, França torna a sas costumas ancianas : cal modernizar, rendre mai eficaça l'administracion? Anam tornar talhar! Mas coma del temps dels reis, l'intendent avia pas remplaçat lo Parlament (que concretament fasia res pus), anam daissar los departaments e lors conselhièrs quitament sens res a far. Es un biais d'apasimar las bramadissas dels senhorets, vailes e clients locals... mas pas d'estalviar!

  • 1
  • 0
motodidacte vrom vrom
7.

E coma fa PACA (Provença- Alps- Còsta d'Azur) per pas èsser fusionaa, fa cavalier solet ?

  • 1
  • 0
Lutz
6.

E la fin dels departaments, que veirem pas jamai ??

  • 4
  • 0
Alan Roch Carcassona
5.

E visca la democracia participativa !!!

  • 4
  • 0

Escriu un comentari sus aqueste article