Dedicarem aquesta cronica a Renat “Pancho” Segura, lo talonaire de l’AS Carcassona XIII e de l’esquipa de França de las annadas 60 que ven de partir pel Grand Prat eternal. Èra de la raça dels avants que recuòlan jamai, volontari dins la vida coma sus la pelena; adieu, Pancho!
Los Dracs capitan de dintrar (enfins!) dins la lista dels 8 primièrs de la Superliga (dins la lista dels possibles qualificats per las pelhòfas). Mas, un còp de mai, a Widnes, tot virèt pas en redond coma un cagaròt sus una grasilha de cargolada! Los Dracs prenguèron l’avantatge amb dos ensages (Mylard e Duport) en debuta de partida, 10-0, e a la pausa èran menats 16-10! A la represa, tornèron marcar tres còps en 7 minutas (Escarré, Pryce e Oldfield) per menar 26-16.
Los Vikings redusiguèron la marca a l’ora de jòc e egalizèron sus una pauma perduda a 26-26 a tres minutas de la fin. Tomas Bòsc s’ensagèt als tombats: lo primièr contrat, lo segond a costat! Egalitat finala, mas lo punt pres permet als Dracs de daissar darrèr elis l’esquipa d’Hull KR batuda a Castleford.
Lo president Guasch va veire los jogaires e la còlha d’entraïnaires dins la setmana per parlar de la fin de la sason e, tanben, de la sason venenta. Una sason que veirà los Dracs metre sus pè una formacion de Juniors Academy que disputarà lo campionat amb las formacions anglesas. Una jornada de deteccion se tendrà a Brutus lo dimècres 11 de junh. De notar que Saint Helens, venceires de Saldford 32-12, prenon lo cap del classament aprèp la desfaita de Leeds a Warrington 24-6.
E justament es aqueste cap de fila tot fresc que serà a Brutus lo 14 de junh! Aquesta setmana, plaça als quarts de la Cup: Widnes-Keigley, dijòus; Leeds-Leigh, divendres; Wigan-Castleford, dissabte; Bradford-Warrington, dimenge.
En Austràlia, la primièra partida dels Estats d’Origina a Brisbane (dimècres 28 de mai) s’acabèt amb la victòria de la Nòva Galas del Sud sus la Tèrra de la Reina (Queensland): 12-8. Aquò promet per la segonda partida a Sydney, lo dimècres 18 de junh: los organizaires son a rajustar sètis dins l’estadi!
Al país, en cabdèths, la mièja finala del Campionat foguèt de tria entre Sant Estève e MJ Carcassona XIII e los Catalans acabèron per se dobrir lo camin de la finala 36-31.
Alan Roch
Los Dracs capitan de dintrar (enfins!) dins la lista dels 8 primièrs de la Superliga (dins la lista dels possibles qualificats per las pelhòfas). Mas, un còp de mai, a Widnes, tot virèt pas en redond coma un cagaròt sus una grasilha de cargolada! Los Dracs prenguèron l’avantatge amb dos ensages (Mylard e Duport) en debuta de partida, 10-0, e a la pausa èran menats 16-10! A la represa, tornèron marcar tres còps en 7 minutas (Escarré, Pryce e Oldfield) per menar 26-16.
Los Vikings redusiguèron la marca a l’ora de jòc e egalizèron sus una pauma perduda a 26-26 a tres minutas de la fin. Tomas Bòsc s’ensagèt als tombats: lo primièr contrat, lo segond a costat! Egalitat finala, mas lo punt pres permet als Dracs de daissar darrèr elis l’esquipa d’Hull KR batuda a Castleford.
Lo president Guasch va veire los jogaires e la còlha d’entraïnaires dins la setmana per parlar de la fin de la sason e, tanben, de la sason venenta. Una sason que veirà los Dracs metre sus pè una formacion de Juniors Academy que disputarà lo campionat amb las formacions anglesas. Una jornada de deteccion se tendrà a Brutus lo dimècres 11 de junh. De notar que Saint Helens, venceires de Saldford 32-12, prenon lo cap del classament aprèp la desfaita de Leeds a Warrington 24-6.
E justament es aqueste cap de fila tot fresc que serà a Brutus lo 14 de junh! Aquesta setmana, plaça als quarts de la Cup: Widnes-Keigley, dijòus; Leeds-Leigh, divendres; Wigan-Castleford, dissabte; Bradford-Warrington, dimenge.
En Austràlia, la primièra partida dels Estats d’Origina a Brisbane (dimècres 28 de mai) s’acabèt amb la victòria de la Nòva Galas del Sud sus la Tèrra de la Reina (Queensland): 12-8. Aquò promet per la segonda partida a Sydney, lo dimècres 18 de junh: los organizaires son a rajustar sètis dins l’estadi!
Al país, en cabdèths, la mièja finala del Campionat foguèt de tria entre Sant Estève e MJ Carcassona XIII e los Catalans acabèron per se dobrir lo camin de la finala 36-31.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari