CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 24 d'agost

Actualitats

Dimècres, 4 de junh de 2014, 03h00 Societat,Politica,Internacional

De malcontentaments per la nòva propòsta territoriala del president francés


Comentaris 25 comentaris    
Marrit Flac Bon Plan bon Fabulós (7 vòtes)
carregant En cargar


La propòsta del president francés François Hollande, de reduire las regions de l’estat de 22 a 14, a recebut fòrça criticas, que Nationalia n’a publicat qualques unas. Hollande remarca que sa proposicion se sometrà al debat parlamentari, mas nuança qu’o cal far lèu.
 
Segon Hollande, la reforma es necessària perque cal crear de regions “de mesura europèa”. Aquelas regions auràn mai de competéncias qu’ara. La reforma comportarà tanben la desaparicion dels conselhs generals dels departaments abans 2020, que lors competéncias passaràn a las regions e a las intercomunalitats
 
 
Occitània
 
Solament doas regions occitanas se mantendràn coma ara: Provença-Alps-Còsta d’Azur e Aquitània. Miègjorn-Pirenèus se fusionariá amb Lengadòc-Rosselhon; Lemosin se fusionariá amb lo Centre de França e Peitau-Charantas; Auvèrnhe se fusionariá amb Ròse-Alps.
 
Lo Partit Occitan (PÒC) a publicat un comunicat que planh la manca de democracia del president Hollande, qu’a agit de faiçon unilaterala en alonhant Lemosin e Auvèrnhe de las autras regions occitanas. Aquò “diluís la nòstra identitat dins de vastas extensions aculturadas de l’avenidor economic e social incèrt”. Lo PÒC ditz que “tot agropament deuriá respectar la logica occitana. Es pas lo cas e”, ço ditz, “refusam categoricament lo desmantelament d’Auvèrnhe e de Lemosin”; aital o afirma lo partit que tanben s’opausa “radicalament” a una “reforma tan tecnocratica coma scelerata”.
 
De son costat Iniciativa per Occitània a tanben manifestat son refús de la propòsta. Aquel movement “crida la populacion a se mobilizar per defendre nòstras supèrbas regions occitanas, e en particular Lemosin e Auvèrnhe que son las pus menaçadas.” E prepausa l’alternativa seguenta: “crear en prioritat una Comunautat Autonòma d’Occitània; (...) redessenhar dins aquela comunautat de regions occitanas segon de critèris culturals; (...) simplificar los escalons administratius en los limitar a (...) 1º l’Occitània autonòma, 2º las regions occitanas, 3º los parçans (o intercomunalitats), 4º las comunas.”
 
En Lemosin son a bastir un collectiu contra la fusion d’aquela region occitana amb de regions francesas del nòrd.
 
De fach, lo malcontentament en Occitània se pòt remarcar dins los comentaris de l’article que publicava ièr Jornalet.
 
 
Catalonha
 
Lo president de Lengadòc-Rosselhon, lo catalan Christian Bourquin, a dich que la proposicion es “una umiliacion” e que lucharà “dusca a la fin” per evitar la fusion d’aquelas doas regions. Per contra, lo cònsol de Perpinhan, Jean-Marc Pujol, pensa qu’es una bona causa.
 
 
Bretanha
 
La mapa d’Hollande prevei pas la reünificacion de Bretanha, e mai s’èra una revendicacion bretona dempuèi fòrça decennis. Es per aquò que lo movement dels bonets roges e los collectius 44 Breizh e Bretanha Reünida manifestèron ièr contra la proposicion d’Hollande dins totas las prefecturas e sosprefecturas bretonas.
 
Los bretons reclaman dempuèi de decennis la reünificacion de Bretanha mejançant l’incorporacion a la region del departament del Léger Atlantic, qu’aperten ara a la region dels Païses de Léger, mas qu’es breton istoricament e culturala. Lo quite president de Bretanha, Pierrick Massiot, aviá detalhat la setmana passada un plan precís per aquela reünificacion.
 
 
Alsàcia
 
Lo president alsacian, Philippe Richert, se mostrèt opausat a la fusion d’Alsàcia dins una granda macroregion. Mas Hollande, fin finala, prepausa d’agropar Alsàcia e Lorena, sens la region vesina de Champanha, que se’n va amb Picardia. Lo partit alsacian Unser Land (Nòstra Tèrra) ditz qu’Alsàcia es “incompatibla” amb Lorena, e a cridat a “se mobilizar” per preservar l’“integritat” del territòri, e mai se demanda s’es pas arribada l’ora de quitar França e de “formar un estat prospèr”.
 
 
Corsega
 
I a pas de cambiaments pels còrses, que tenon un autre braç de fèrre amb l’estat francés. L’assemblada de Corsega demandèt un cambiament institucional que singularizèsse lo país dins la republica e que li donèsse d’autonomia, en començant per la cooficialitat del còrs e per un estatut de resident. París o nèga e ditz qu’es “impossible”.
 
 
Savòia
 
Lo movement savoian fa longtemps que reclama la creacion d’una region autonòma de Savòia, formada dels dos departaments savoians (nomenats “Savòia” e la “Nauta Savòia”). La reforma manten Savòia dins la region parcialament occitana de Ròse-Alps, que serà unificada amb la region occitana d’Auvèrnhe. Lo president del conselh general del departament de “Savòia”, Hervé Gaymard, aviá prepausat la creacion d’un Conselh dels Païses de Savòia, “amb de competéncias refortidas”. Amb la nòva mapa, lo Movement Region Savòia vei “menaçada” l’identitat savoiana. Lo partit revendica la creacion d’una region de Savòia, separada de Ròse-Alps.
 
 
Bascoat
 
E lo Bascoat Nòrd (Iparralde) contunharà, coma Catalonha Nòrd, d’aver pas cap de reconeissença institucionala, e mai se las entrepresas, las associacions e los partits bascos o reclaman dempuèi longtemps. Lo Bascoat demorarà dins lo departament dels Pirenèus Atlantics, ont i a Bearn e lo Bas Ador, e tot aquò dins la region d’Aquitània, que veirà pas cap de cambiament.



publicitat
BANER1-2-3: DGPL AN LAFONT



Comentaris

7 de junh 17.42h

E ben, soi gòrjabadat a debon; vesi que lo comentari de Sr. Martèl a fòrça admiradors/emuls/discipols e doncas benlèu que la tendéncia/mòda venidoira d'aqui a qualques meses serà de botar pas mai d'accents en occitan (una simplificacion benlèu necessària, e puèi al cap de qualque temps pas res de çò que i avia en jos dels ancians accents per simplificar mai encara... cal benlèu tirar las vocalas coma en arab...), qual sap? E puèi, çò que m'agradaria subretot de veire es se la m... Legir mai


Valoriza aqueste comentari:   votar positiu 1   votar negatiu 4
Respondre comentari replica Comentari inadeqüat   Formulari d'abús de comentari

6 de junh 14.27h

La promiera mapa d'aquel article dessenha una Occitània de 5 regions quasi perfiecha :

http://transports.blog.lemonde.fr/2014/06/05/regionator-la-carte-de-france-dessinee-par-les-trajets-quotidiens/


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

6 de junh 00.21h

#22 Es probablament pr'amor qu'avètz pas vist encara qu'una de las tòcas aici (ieu tanben me mancan d'accents, un tropèl d'aguts...) es de crear una tribuna lingüistica per far passar/engolir/digerir las/qualques causidas lingüisticas/lexicalas/toponimicas/de gentilicis... çò que d'autres (los que benlèu pensan pas subretot a l'abséncia d'identitat occitana) veson, almens de còps que i a...
Personalament me geina/me fa patir de veire de posicions coma la d'Eric Fraj, persona plan raso... Legir mai


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

5 de junh 08.22h

Amusant de veire que l' a de mond qu'intervenon suu Jornalet ren que per corrijar/corregir las dècas/fautas/errors/pechats grafics abominables dels autres. Mas un pren son plaser coma un pot (e, oc, ai pas mes los accents (aaarrrghh!)).


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 de junh 01.17h

França ataca Occitània un còp de mai amb la division territoriala, e los occitans a discutir se cal dire proposicion o propòsta.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

4 de junh 23.24h

#18 E mai en catalan aparentament, segon las atestacions del DCVB (Alcover e Moll) la forma "proposicio" es (plan) anciana mentre que la de "proposta" es pro recenta. Sembla pro logica la possibilitat d'una influéncia de l'espanhòl ja que "post -a" en catalan (coma dins qualques parlars occitans) implica mai que mai lo resultat de "pondre un uòu" (los derivats normals de "posar" son "posat -ada"; cal veire qu'en espanhòl es "proponer" e en catalan "proposar"). Aguèri l'escasença d'ausir u... Legir mai


Valoriza aqueste comentari:   votar positiu 1   votar negatiu 4
Respondre comentari replica Comentari inadeqüat   Formulari d'abús de comentari

4 de junh 22.56h

Aquí lo subjècte es la refòrma territoriala, me sembla.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

4 de junh 22.46h

tà arresponer a joffrey ,que seré encòra piri pormor a nosta ua pòsta en francès qu'ei 'une planche 'alavetz ua propòsta que seré mes d'avit (une avant planche) bon cercatz era fauta se voletz.


Valoriza aqueste comentari:   votar positiu 0   votar negatiu 4
Respondre comentari replica Comentari inadeqüat   Formulari d'abús de comentari

4 de junh 22.04h

#16

Se pensarà "aqueu es pas d'aquí" e alara?

En francés, quand quauqu'un parla una pauc diferentament de vos, o qu'emplega de mòts qu'emplegatz pas, vòste primièr reflèxe es de pensar "aqueu es pas d'aquí" en fasent d'uèlhs curiós?


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

4 de junh 21.33h

Adixatz a tots,que sòi vajut en Bigòrra en ua arregion dera Gasconha e n'ei jamès entenut a diser propòsta mès çò qu'èi tostemps entenut qu'ei proposicion ,se vengossetz a nosta e que disetz a quauqu'arris propòsta aquesta persona qu'vs guerdaratz dab uelhs curios e que's pensara aqueth n'ei pas d'aci


Valoriza aqueste comentari:   votar positiu 0   votar negatiu 4
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Mn. Condò siguec hilh dera Renaishença Catalana”

Jusèp Amiell prèire e escrivan aranés

“Mn. Condò siguec hilh dera Renaishença Catalana”
giny

giny

publicitat

lateral 2 teveoc

Fotografias

  • Zep Armentano

    25au Corsa Aran per sa Lengua

  • Grassa. © Lissandre Varenne

    L'occitan per carrièras (concors de prima 2014)

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Inauguracion de la Sala Claudi Molinièr a Besièrs

  • © Conselh Generau d'Aran

    Lo Torn de França 2016 en Aran

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Zep Armentano

    Era Mongetada (Val d'Aran 28-29 d'octobre 2017)

  • D'aiga. © Laurenç Revèst

    Remembres de Vaquí, emission en la Vau Clusa, novembre de 2005

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Asuèlhs comengeses. © Franc Bardòu

    Asuèlhs Comengeses

  • Asuèlhs de Menerbés. © Franc Bardòu

    Asuèlhs de Menerbés

  • Lo grand passacarrièra de Rodés. Occitan Pride 2013

  • País de Rasés. © Franc Bardòu

    País de Rasés

  • A Gavotina marítima: Recabruna Cab Martin, a vila vielha e o castèl dau sécolo X

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Irissa: prumèra edicion dera corsa populara de BTT

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



33%



23%



1%




Vots 141 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)