Maugrat lo fach qu’un resultat nul èra sufisent per se qualificar, Occitània comença aquela partida amb una bèla dominacion, ajudada per una tactica pron defensiva de la part dei samis. Mai pauc a pauc lei roges e jaunes se pèrdon lo mestritge dau balon au mieg de terren e practican un jòc tròp lòng qu’inquieta pas lei jogaires locaus.
A la mieja ora de jòc, Lapònia manca de dobrir la marca amb un còp de tèsta que passa miraculosament au dessús de la gàbia occitana. La fin de periòde es pasmens a l’avantatge de la còla nòstra, que son adversari dau jorn paga fisicament sa partida de la velha. Just abans la pausa, lo talentós gardian Romain Ellien fa una parada decisiva que permet de gardar lo descòmpte nul.
En tornant dau vestiari, leis occitans semblan mai motivats encara e aquò paga lèu: Guillaume Lafuente aprofiecha un embolhatge de la defensa lapona per marcar un preciós gòl. Dau costat dau banc, lo seleccionaire Didier Amiel, un berret roge sus la tèsta, s’activa per motivar sei jogaires e raunha mai d’un còp còntra lei decisions de l’arbitre dau rescòntre. A la 66a minuta, Lafuente, ben lançat per Boris Massaré, manca de pauc lo doblat. Maugrat l’expulsion de Bastien Cantier dins lei darrierei minutas de jòc, Occitània ten sa victòria, ben ajudada per un gardian que multipliquèt lei bòns aplants.
Occitània es donc qualificada per lei quarts de finala d’aquela Copa dau Mond de la CONIFA. Pasmens la seguida de la competicion serà pas una passejada, amb la preséncia de Padània, mai tanben dei còlas de Caucàs e de l’Orient Mejan, que faudrà pas sosestimar.
Esitetz pas de mostrar vòstre sosten a la chorma nòstra, per exemple en laissant un messatge sus la pagina Facebook de la seleccion.
Matieu Casanòva
A la mieja ora de jòc, Lapònia manca de dobrir la marca amb un còp de tèsta que passa miraculosament au dessús de la gàbia occitana. La fin de periòde es pasmens a l’avantatge de la còla nòstra, que son adversari dau jorn paga fisicament sa partida de la velha. Just abans la pausa, lo talentós gardian Romain Ellien fa una parada decisiva que permet de gardar lo descòmpte nul.
En tornant dau vestiari, leis occitans semblan mai motivats encara e aquò paga lèu: Guillaume Lafuente aprofiecha un embolhatge de la defensa lapona per marcar un preciós gòl. Dau costat dau banc, lo seleccionaire Didier Amiel, un berret roge sus la tèsta, s’activa per motivar sei jogaires e raunha mai d’un còp còntra lei decisions de l’arbitre dau rescòntre. A la 66a minuta, Lafuente, ben lançat per Boris Massaré, manca de pauc lo doblat. Maugrat l’expulsion de Bastien Cantier dins lei darrierei minutas de jòc, Occitània ten sa victòria, ben ajudada per un gardian que multipliquèt lei bòns aplants.
Occitània es donc qualificada per lei quarts de finala d’aquela Copa dau Mond de la CONIFA. Pasmens la seguida de la competicion serà pas una passejada, amb la preséncia de Padània, mai tanben dei còlas de Caucàs e de l’Orient Mejan, que faudrà pas sosestimar.
Esitetz pas de mostrar vòstre sosten a la chorma nòstra, per exemple en laissant un messatge sus la pagina Facebook de la seleccion.
Matieu Casanòva
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ailàs verèm pas una finala Occitània - Countea de Nissa.
La selecion dau Comtat a ganhat la sieu qualificacion en gagnant còntra lo favorit de la competicion, Padania ! Una bèla sorpresa !
Aüra bessai qu'aurèm lo sosten d'Occitània tota :)
Fin de l'aventura ai penaltis còntra leis Aramèus.
#10 Bòna idèa... Li vau prepausar de faire lo scout per la seleccion en Provença. Me mandaràs lo contacte a l'escasença !
Francament sabi pas coma si passa exactament lo recrutament, pòs contactar lo president, Nicolas Desachy, sarà dubert a tota ajuda,ne'n siau segur !
#8
Es una question de curiositat.
Quora vieu aquela tiera : http://www.marseille-consolat.com/cfa/effectif-2013-2014.html
me dieu que l'auriá mejan de prepausar en de jogaires la seleccion. Sabi pas coma foncciona l'AOF, se l'es un secretari que manda una mena de corrier oficiau ai clubs concernits ò se quauqun contacte lei jogaires.
Dieu aquò perdequé l'a de jogaires dau centre de formacion de l'OGCN dins la seleccion de la Comtea. Amb totei lei bòns clubs qu'avem en Occitània fins au CFA, m'estona que l'ague ges de jogaires d'un centre de formacion d'un club pro
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari