Actualitats
Fotbòl: de contactes entre lo Barça e la liga francesa per i jogar après l’independéncia de Catalonha
Segon la revista Interviú, lo club catalan a contactat l’LFP per prepausar de s’incorporar a la liga francesa s’es obligat de quitar l’espanhòla
Dison las rumors, que fa de meses que duran, que i a de contactes discrets entre la Liga de Fotbòl Professional de França e lo Club de Fotbòl de Barcelona (lo Barça), per una eventuala incorporacion del Barça après l’independéncia de Catalonha. E ara, la revista Interviú n’a publicat un reportatge. Segon aquela revista, es lo club esportiu catalan que s’es interessat de jogar amb las esquipas del nòrd.
Aital lo Barça poiriá competir amb las esquipas del país coma Mónegue, l’Olimpic de Marselha o los Girondins de Bordèu.
Pasmens, coma ben o remembra Vilaweb, lo reportage d’Interviú es pagant, e solament dins la version pels abonats se pòt legir la referéncia als possibles contactes entre l’esquipa barcelonesa de fotbòl e la liga de l’estat francés. Cal remembrar, atanben, que lo president del conselh directiu del club catalan, Sandro Rossell, se declarèt radicalament opausat a aquela possibilitat, tant que preferís que lo Barça jògue dins la liga espanhòla, e mai après l’independéncia.
Aital lo Barça poiriá competir amb las esquipas del país coma Mónegue, l’Olimpic de Marselha o los Girondins de Bordèu.
Pasmens, coma ben o remembra Vilaweb, lo reportage d’Interviú es pagant, e solament dins la version pels abonats se pòt legir la referéncia als possibles contactes entre l’esquipa barcelonesa de fotbòl e la liga de l’estat francés. Cal remembrar, atanben, que lo president del conselh directiu del club catalan, Sandro Rossell, se declarèt radicalament opausat a aquela possibilitat, tant que preferís que lo Barça jògue dins la liga espanhòla, e mai après l’independéncia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 A ieu me sembla completament irrealista... Mai veirem ben, estent sòci de l'OM, m'agradariá de veire venir lo Barça au Velodròm, evidentament... E se nos pòdon portar un pauc de vam anti-centralista còntra lo QSG, tant melhor !
#2 Se tracta pas d'aquò mai de se dobrir de pòrtas professionalas en cas que se'n barren dau costat de l'estat espanhòu. Me sembla realista.
Ahahah... Seràn polit lei Barça - Evian Thonon Gaillard dins tres annadas !
Franc d'aquò, li cresi pas tròp... Ai l'impression que lei catalans an pas comprés que jamai França sostendrà son processus d'independéncia, bòrd que seriá coma donar un argument de mai per lo secessionisme dins sei pròpias frontieras...
Rosell? Vendut al Qatar, vendut a l'espanholisme!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari