Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaPaís Marselhés

Condemnat un naviri poluaire pel tribunal correccional de Marselha

Las illas de Pòrt Cròs e de Levant, vistas de Pòrcaròlas (Mauras)
Las illas de Pòrt Cròs e de Levant, vistas de Pòrcaròlas (Mauras) | Bernard Laguerre

Dos ans après los faches, l'armator turc del naviri Buket es estat condemnat a pagar 125 000 èuros de multa a l'Estat francés. Lo comandant del vaissèl es castigat per una esmenda de 25 000 èuros.


Lo tribunal correccional de Marselha se mostrèt charmant, dimècres, al moment de condemnar la societat Densa Tenker, armatora del naviri Buket. Dels 700 000 èuros d'esmenda e de las set annadas de preson que riscavan, la senténcia foguèt plan aleugerida. 125 000 èuros per l'armator, e 25 000 èuros pel comandant, quand lo procurador de la Republica s'èra prononciat per de multas de 200 000 e 30 000 èuros.
 
L'afar datava de febrièr de 2008, quand lo naviri Buket escampèt una napa d'òli d'oliva de quinze quilomètres de long e cent mètres de larg, al larg de l'Illa de Levant, a las Illas d'Ièras (Mauras).
 
Quatre associacions (France Nature Environnement, Surfider Foundation, Union Régionale Vie et Nature, Ligue de Protection des Oiseaux), qu'avián reclamat contra lo poluaire e s'èran constituidas de partidas civilas, obtinguèron dimècres sengles 5000 èuros.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article