CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Diluns, 9 de junh de 2014, 03h00 Politica,Lenga,Escòla

Collòqui a París sus las lengas nomenadas regionalas


Comentaris 4 comentaris    
Marrit Flac Bon Plan bon Fabulós (4 vòtes)
carregant En cargar


Se debanèt a l’Assemblada Nacionala francesa lo 3 de junh passat un collòqui sus las lengas nomenadas regionalas, a l’iniciativa de C. Capdevielle, amb l’ajuda dels bretons Urvoas e Molac (sul sit de la FÈLCO i podètz trobar un compte rendut complet).


Doas taulas redondas èran organizadas. Una sus la Carta Europèa, amb J.M. Woerhling, jurista, F. Melin-Soucramenien, jurista, J.P. Massias, professor de drech public, moderaire, D. Costaouec, lingüista, X. North, DGLFLF, e D. Grosclaude, del conselh regional d’Aquitània. L’autra èra sus l’ensenhament: D. Redouté de Div Yezh (associacion dels parents d’escolans bilingües en breton e francés de l’escòla publica) e M.J. Verny (per la FÈLCO e la FLARÈP) representavan l’ensenhament public, A.V. Chapalain (Diwan) e P. Indo (Ikastola) i representavan l’associatiu. Lo deputat P. Molac, ancian president de Div Yezh, moderèt aquel debat.

 
Lo debat sus l’escòla
 
Totes los representants s’acordèron per d’exigéncias de qualitat de la lenga ensenhada, çò que supausa una quantitat sufisenta de mèstres formats. Per totes, la mission de l’escòla es fondamentala per tornar formar de locutors de lengas espotidas per d’annadas de monolingüisme patologic. Lo caractèr dubèrt e formator de l’ensenhament de las lengas regionalas sedusís las familhas, en mai de l’interès cultural et del plaser de renosar de ligams intergeneracionals. L’apòrt del bilingüisme precòç a las capacitats cognitivas dels enfants es pas mai a demostrar… almens per una part informada de la societat.
 
Los representants del public insistiguèron sul ròtle de l’escòla publica per faire créisser lo nombre d’enfants tocats per aquel ensenhament.
 
Per de rasons demograficas: la majoritat dels enfants de França i son escolarizats. Una reconquista de la lenga en societat se deu adreiçar a eles e a sas familhas. Se deu pas contentar de respondre a una demanda de las familhas. Que pòdon demandar, d’espereles, de mond que sa cultura es renegada per de sègles de minoracion? L’escòla publica trabalha pas per de convençuts, mas per convéncer lo mond mantenguts dins lo non-saber.
 
Per de rasons politicas: l’escòla publica a ignoradas —a reprimidas— las lengas de la Republica, quasi dos sègles a-de-reng. Ven a l’escòla de la Republica, en acòrdi amb lo novèl article 75-1 de la Constitucion (“Las lengas regionalas apertenon al patrimòni de França”), de faire viure, ara, aquelas lengas e pas de se repausar sus l’iniciativa privada o associativa, tant eroïca foguèsse aquesta.
 
Las avançadas recentas, los articles novèls de la lei Peillon, devon pas faire oblidar los problèmas:
 

— inegalitat entre lengas de França: malhum inegal dins lo territòri en matèria d’ofèrta publica (sits bilingües, pòstes de certificats…), acadèmias occitanas del Nòrd sinistradas.
 
— manca de mejans, de pòstes al CAPES mai que mai.
 
— manca de seriós al ministèri: 3 encargats de mission dempuèi 2012, e donc necessitat de tornar explicar etèrnament las causas…
 

Lo debat sus la Carta

Lo debat sus la Carta pausèt de questions e de problèmas, simbolics e juridics.
 
Sul plan juridic, los juristas s’interroguèron sus la receptibilitat constitucionala de la Carta e mai sul fach que los 39 articles signats per França correspondián mai que mai a çò que se fai ja. Benlèu una lei seriá necita per una vertadièra proteccion qu’arrestèsse lo procès de desparicion de nòstras lengas.
 
Sul plan simbolic: de qu’es aquela França donaira de leiçons a l’internacional, e pas capabla d’aplicar en son dintre la democracia lingüistica e culturala?
 
Son de saludar la plaça facha al debat amb la sala, clafida de mond, e lo nombre d’elegits presents: de deputats e de senators, n’i aviá una vintena, de Le Fur (UMP) a Chassaigne (PCF), en passant per Lassalle (non inscrich), Molac (emparentat UDB) e un grand nombre d’elegits socialistas, mai que mai bretons o aquitans, entre autres Labazée e F. Ispagnac (64), M. Blondin (29), Cresta (66) o Alossery (Nòrd).
 
 
Qualques inquietuds o questionaments
 
Las conclusions d’Urvoas portavan, entre autres, sul ligam entre descentralizacion e lengas regionalas: es una question que per la FELCO es —almens— problematica; e lo recent decopatge que fai sortir Auvèrnha e Lemosin de las regions occitanas es pas per nos rassegurar…
 
Pausèri la question, fòra sesilha, a Urvoas, de la risca de desengatjament de l’estat… Me diguèt que n’i aviá pas… Benlèu, mas aguèsse afortit en tribuna la plaça de nòstras lengas coma patrimòni de la nacion e lo ròtle màger de l’estat dins sa proteccion, seriái estada mai tranquilla…
 
Lo collòqui èra un signe de l’enauçament del debat: s’ausís de mens en mens los plorinejaires (que sa mamet parlava e qu’eles o pòdon pas, pecaire…) o los richonejaires (que vos parlan caçolet o tripons quand parlatz lenga e cultura).
 
Es de dignitat que nòstras lengas an de besonh e, donc, qu’aquel collòqui aja de repercussions en tèrmes d’actes.
 
 
 
 
Maria Joana Verny



publicitat
BANER1-2-3: DGPL TRADUCTOR



Comentaris

9 de junh 13.12h

Es resisténcies e es revolucions tostemps an creat era sua part de collaboradors e de reaccionaris.

Prudéncia damb aguest occitanisme oficiau, frairs e fraies d'Occitània Grana


Valoriza aqueste comentari:   votar positiu 8   votar negatiu 5
Respondre comentari replica Comentari inadeqüat   Formulari d'abús de comentari

9 de junh 11.08h

M'inscrivi pas brica dins la dralha de la discutida politica sus l'occitan amb l'aparelh de l'estat francés.

En discutir interminablament, en organizar collòqui sus collòqui, en convocar reünion sus reünion, los estatistas franceses ganhan de temps en nos o fasent pèrdre. Soi pas segur qu'aquesta mena de rescontre pòrte quin resultat que siá. Soi puslèu partidari d'una reivindicacion fòrça mens amistosa amb totes aquels mossuròts e madametas de l'estat (en demorar dins la dralha de... Legir mai


Valoriza aqueste comentari:   votar positiu 14   votar negatiu 1
Respondre comentari replica Comentari inadeqüat   Formulari d'abús de comentari

9 de junh 09.35h

Cal un còp de mai saludar lo trabalh inalassable que fa Maria-Joana Verny e la FELCO.


Valoriza aqueste comentari:   votar positiu 15   votar negatiu 1
Respondre comentari replica Comentari inadeqüat   Formulari d'abús de comentari

9 de junh 07.48h

Mercés per l'article ! Potons gascons


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 18
  • sol Aush 17
  • sol Bordèu 19
  • sol Briançon 16
  • sol Caors 17
  • sol Carcassona 16
  • sol Clarmont-Ferrand 17
  • sol Confolent 16
  • sol Gap 16
  • sol La Canau 20
  • sol La Gàrdia 17
  • sol Limòtges 18
  • sol Lo Borg Sant Dalmatz 19
  • sol Lo Puèi de Velai 16
  • sol Marselha 19
  • sol Montpelhièr 18
  • sol Naut Aran 16
  • sol Niça 20
  • sol Nimes 18
  • sol Pau 18
  • sol Peireguers 17
  • sol Rodés 19
  • sol Tolon 20
  • sol Tolosa 17
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Nèu sus sei Plans de Caussòus e dau Calern e a Canaus d'Andon. © Laurenç Revèst

    Nèu sus sei Plans de Caussòus e dau Calern e a Canaus d'Andon

  • © Franc Bardòu

    Tresaurs andorrans

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Còth deth Tormalet, 18/07/2012

  • Uèlh de Garona. © Xavi Gutiérrez Riu

    Corsa Aran per sa Lengua 2014

  • Estivada 2013. © Guillem Sevilla

    Estivada 2013

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Aure Séguier

    Carnaval Biarnés 2017

  • Simbèls de la vila de Niça. © Catarin Seguran

    Simbòls de Niça

  • © Laurenç Revèst

    Fòrt Maginòt de Sant Anhe

  • Minecraft en version occitana

  • Nimes. © Carles Pino

    L'occitan per carrièras (concors de prima 2014)

  • Carcassona. © Frederic Guilbal

    Campanada d'alarma sus la situacion catastrofica ont se tròban la lenga e la cultura occitanas

  • © Xavi Gutiérrez Riu

    Ivèrn en Aran

  • País de Rasés. © Franc Bardòu

    País de Rasés

  • Zep Armentano

    25au Corsa Aran per sa Lengua

  • Bersorèlh : quartiers e maions ai noms occitans

  • © Asalaís Moniguet

    Montpelhièr la lengadociana

  • Lo grand passacarrièra de Rodés. Occitan Pride 2013

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)