Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaLanas e LabritBug

La Laca d’Arcaishon es reconeguda pargue natural marin

Dimenge, la ministra francesa de l’ecologia n’oficializèt la creacion. Èra una revendicacion locala dempuèi fòrça annadas

| Jacme31
La Laca d’Arcaishon es ara reconeguda coma pargue natural marin. Dimenge passat, la ministra francesa de l’ecologia, Ségolène Royal, n’oficializèt la creacion. La ministra vesitèt un sit ostreïcòla, l’Illa deus Ausèths e lo pargue ornitologic del Teish ont signèt lo decret de creacion del pargue natural marin.
 
“Non s’agís pas d’ua resèrva, de méter ua zòna maritima jos ua campana, mes d’un lòc unic de discussion, d’escambi entre tots los actors, tà gerir los conflictes potenciaus d’usatge”, çò diguèt François Deluga, cònsol del Teish, qu’es un dels militants actius per la creacion del pargue dempuèi sièis annadas. De son costat, lo president dels 315 ostreïcultors de la laca, Olivier Laban, saludèt tanben la filosofia del pargue natural marin “per que los actors locaus definiscan amassa las règlas, en lòc de doctrinas vengudas de tecnocracias parisencas o brusselesas”.
 
Lo pargue natural marin a un airal de 420 quilomètres cairats d’espaci marin e 127 quilomètres de linha costièra amb una largor de 3 milas. Tòca dètz comunas del País de Bug, çò es 120 000 abitants, qu’en sason toristica arriba a 300 000 personas. I a 12 000 vaissèls dont la majoritat son motorizats.
 
La laca es una vertadièra mar interiora de 155 quilomètres cairats quand la marèa es nauta, e de 40 quilomètres cairats quand la marèa es bassa, amb mai d’80 quilomètres de bancs de sabla, de plajas e de dunas. Al centre de la baia i a l’Illa deus Ausèths e las cabanas chancadas.
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

La Marta Arcaishon
7.

#6 Qu'ey toutun plan.
He pas besounh d'ua gran equipa ni d'un hèish de materiau...
Que i a nombros raports scientifics que existen dejà.
E un hèish de tribalh pot estar efectuat per IFREMER o autes scientifics de l'universitat de Bordeu, per exemple...
An dejà batèus e materiau scientific.

Que va anar.

  • 1
  • 0
dubitatif
6.

#2

Penses que 100 000€ es suffisent? Esperi que comptan pas los salaris dedins... Perque amb 100 000€? veses pas cossi far per pagar agents per far lo trabailh de terran, crompar batels, pagar gazoline, e materials per los protocols scientifics...

  • 1
  • 0
pjm agulhon
5.

a quand l'interdiccion deus motors superiors a 10cv dens la laca per los plasancèirs ? per se protegir un chic de las atacas deu hons marin, de la polucion de l'aiga, de l'aire e sonòra, de la suberpoblacion a arguin e pertot !
torni tot dòi deu Gòlfe de Morbihan, e quand arribatz acerà l'abséncia quasi totala de brut susprend dehèt. e pertant, podem pas díder que pausa un problèma economic, quand vedetz l'afluéncia de velèirs e de toristalha pertot !

  • 9
  • 0
La Marta Arcaishon
4.

#3 Vertat qu'ei! L'urbanizacion minja, a hum de calhau, lo Pais de Bug e la mar en sofresh heras (biocidas, idrocarburs, poncions excessivas en aigue doça...).
Rason de mei ta tribalha dab aqueth utis qu'ei lo Parc Naturau Marin, qui va espiar la terra de la mar ença.

  • 5
  • 0
Silvan
3.

La laca d'Arcaishon es reconeguda pargue natural marin mentre qu'aquela region es de mai en mai urbanizada. Quitan pas de bastir d'ostals e es de pus mal circular en veitura que non pas qualques annadas i a. Ara los encombraments son tot l'an ... Lo pinhadar pèrd de terrenh tanben. La laca d'Arcaison es a venir la còsta d'Azur de la Mar Grana.

  • 3
  • 0

Escriu un comentari sus aqueste article