Bandièra01 capçalera  1180x150: Botiga

Actualitats

crotz-tolosaCreated with Sketch.GasconhaVal d'Aran

Era Val d'Aran qu'acuelherà eth Campionat d'Euròpa d'esquí de hons 2016

Eth congrès d'Euroloppet aprovèc que Beret sigue era sedença deth Campionat

| joventcec



Eth congrès d'Euroloppet qu'aprovèc que Beret sigue era sedença deth Campionat d'Euròpa d'Esquí de Hons en 2016. Eth congrès se debanèc deth 17 ath 20 de mai ena estacion soïssa d'Obergoms e i participèren es organizadors dera Marcha Beret, era pròva aranesa d'esquí de hons de referéncia.
 
"Era eleccion dera Val d'Aran, e mès concrètaments de Beret, coma sedença deth congrès d'Euroloppet e coma organizadors deth Campionat d'Euròpa d'Esquí Nordic er an 2016, coïncidís pleaments damb es plans deth govèrn deth Conselh Generau d'Aran entà potenciar eveniments esportius de nauta valor ahijuda", declarèc Marcos Viló, conselhèr d'Espòrts deth govèrn aranés, que vò atau potenciar era arribada de torisme familhau e qu'er eveniment favorisque tota era aufèrta toristica, culturau, de léser e comerciau dera Val d'Aran.
 
Eth Circuit Euroloppet qu'amasse es marches d'esquí de hons mès importantes d'Euròpa, entre es que i a era Marcha Beret.




Ferriòl Macip
Eth congrès d'Euroloppet aprovèc que Beret sigue era sedença deth Campionat
Eth congrès d'Euroloppet aprovèc que Beret sigue era sedença deth Campionat | Conselh Generau d'Aran

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article