Actualitats
A començat lo jutjament contra lo mètge qu’ajudava a morir los malauts terminals
Comencèt ièr a Pau (Bearn) lo jutjament contra lo Doctor Nicolas Bonnemaison, acusat d’ajudar a morir sèt malauts terminals en 2011, quand el èra mètge del servici d’emergéncias de l’Espital de Baiona (Bas Ador). Lo jutjament se debanarà pendent tres setmanas e 74 personas i declararàn. Bonnemaison pòt èsser condemnat a perpetuitat.
Las que denoncièron Bonnemaison son d’infirmièras e una ajuda sonhanta del servici de las emergéncias de l’Espital de Baiona, que relatèron cossí preparava las injeccions letalas. E Bonnemaison el declarèt que los sèt malauts èran a mand de morir, e qu’el los tuèt per “aleujar lor patiment”. Sembla qu’empleguèt de poison per o far.
Jean-Michel Gouffrant, cirurgian a la retirada qu’exerciguèt a Baiona pendent 35 ans, manifestèt son sosten a Bonnemaison, segon çò que publica Libération: “Nosautes los mètges non avèm pas cap d’interès personau a har eutanasia. E quand ac hèm, qu’ei vertadèrament per empatia, per pietat per aqueras pauras gents que son dens un estat lamentable. Lo Doctor Bonnemaison a hèit las causas simplament, tot plen normalament. E tots qu’ac avèm hèit! B’ei ipocrisia, qu’ei se velar la cara! Que’ns l’an ensenhada a la facultat, l’eutanasia”.
Tanben Jano Laztiri, mètge de l’Espital de Baiona, que foguèt companh de Bonnemaison, declarèt a Euskadi Irratia que “Bonnemaison non tuèt pas degun, mes qu’ajudèt a malauts qu’èran a mand de morir”.
Per contra, Régis Aubry, mètge en geriatria e suènhs palliatus, president de l’Observatòri Consultatiu Estatal d’Etica, assegurèt al microfòn d’RMC que lo procès a Bonnemaison es pas lo de l’eutanasia. “Aqueste mètge a administrat, s’ai plan comprés, de produches letals amb l’intencion de donar la mòrt a de personas, car considerava que lors sofrenças èran insuportablas. Mas i aguèt pas cap de demanda de las personas. Aquel mètge èra tot sol, agiguèt, çò sembla, dins una forma d’urgéncia.”
Las que denoncièron Bonnemaison son d’infirmièras e una ajuda sonhanta del servici de las emergéncias de l’Espital de Baiona, que relatèron cossí preparava las injeccions letalas. E Bonnemaison el declarèt que los sèt malauts èran a mand de morir, e qu’el los tuèt per “aleujar lor patiment”. Sembla qu’empleguèt de poison per o far.
Jean-Michel Gouffrant, cirurgian a la retirada qu’exerciguèt a Baiona pendent 35 ans, manifestèt son sosten a Bonnemaison, segon çò que publica Libération: “Nosautes los mètges non avèm pas cap d’interès personau a har eutanasia. E quand ac hèm, qu’ei vertadèrament per empatia, per pietat per aqueras pauras gents que son dens un estat lamentable. Lo Doctor Bonnemaison a hèit las causas simplament, tot plen normalament. E tots qu’ac avèm hèit! B’ei ipocrisia, qu’ei se velar la cara! Que’ns l’an ensenhada a la facultat, l’eutanasia”.
Tanben Jano Laztiri, mètge de l’Espital de Baiona, que foguèt companh de Bonnemaison, declarèt a Euskadi Irratia que “Bonnemaison non tuèt pas degun, mes qu’ajudèt a malauts qu’èran a mand de morir”.
Per contra, Régis Aubry, mètge en geriatria e suènhs palliatus, president de l’Observatòri Consultatiu Estatal d’Etica, assegurèt al microfòn d’RMC que lo procès a Bonnemaison es pas lo de l’eutanasia. “Aqueste mètge a administrat, s’ai plan comprés, de produches letals amb l’intencion de donar la mòrt a de personas, car considerava que lors sofrenças èran insuportablas. Mas i aguèt pas cap de demanda de las personas. Aquel mètge èra tot sol, agiguèt, çò sembla, dins una forma d’urgéncia.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal esperar qu'aquel afar malurós siá una escasença de tornar veire la lei sus la fin de vida.
La feblesa de la lei francesa cap a la fin de vida e las ipocrisias que ne son las consequéncias devon pas èsser lo pretèxte per qu'un mètge, tot sol dins sa decision, n'acabe amb la vida de malauts. L'abséncia de volontat pròpia dels malauts o pel trochaman de lor familha (sus la basa d'intencions anteriorament exprimidas) per ieu assimila aqueste afar a unes assassinats. Mas se sap qu'aquel acte es pas isolat. Se la lei francesa foguèsse mai en fasa amb la realitat de situacions coma aquestas arribarián pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari