Bandièra01 1180x150: Comuna de Tolosa

Actualitats

Una granda leiçon contra la xenofobia en una vila de Catalonha

Una associacion de la vila d’Igualada a mes en envidéncia un partit racista que collectava de noiridura solament “per de mond del país”

Atlas, una entitat sòcioculturala d’Igualada (Catalonha), a mes en evidéncia la xenofobia d’un partit politic ultradrechista nomenat Plataforma per Catalonha (PxC). Aquel partit xenofòb organizèt fa qualques jorns una jornada de collectatge de noiridura “exclusivament per de mond del país”. Mas Atlas —que trabalha per l’integracion de la diversitat sòcioculturala— faguèt una crida per que totes los ciutadans d’origina immigranta anèsson far de dons, e per que desmontèsson aital lo discors del partit racista.
 
Dins un vidèo, publicat sul ret, se vei coma un fum d’immigrants van a l’estand del partit xenofòb e i donan de paquets de noiridura. Totes los dons portavan un pegasolet que disiá “canvia el xip” (“càmbia lo chip”, valent a dire, “càmbia de vejaire”).
 
Los militants racistas qu’èran dins l’estand èran fòrt estonats. Un d’eles ensagèt de rebatre lo gèst en lor ofrissent de cambajon, per ensajar d’insultar los que se considerèsson de religoses musulmans.
 
Aquela accion d’Atlas fa partida de la campanha “Ieu soi tanben d’Igualada”, per combratre lo racisme e favorizar l’integracion.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ernesr, "El Tàrrega". Igualada( Paissos Catalans"
4.

Sóc Igualadí, i em fa vergonya tenir un conciutadà com aquest, espero que enlloc del món s'hi hagin de treobar. Això no té res a veure amb Igualada i Catalunya.

  • 0
  • 0
BOURDON Pau
3.

#1 Drin de respècte entaus trisomics qu'amuisharé miélher lo vòste refús de las discriminacions.

  • 1
  • 0
Gerard Joan Barceló Pèiralata
2.

Lo principi -evidentament xenofòb- de noirir una part de la populacion segon sas originas s'atròba tanben en l'accion del pastor luteran dissident Blanchard, un occitan que viu a París despuèi d'annadas, un ultranacionalista francés qu'ajuda las gents... se son pas immigradas! Un autre occitan, lo cònsol d'Aurenja, l'ultradrechista Jacques Bompard, se faguèt fotografiar fièrament amb el, fa qualques meses. De segur, e mai Blanchard e Bompard se digan crestians, son fòrça luènh de Jèsus, qu'ajudava e parlava amb totòm, josieus, romans, samaritans, cresents e noncresents, òmes e femnas, malauts...

  • 5
  • 0
Batko
1.

Bona accion.
Totun cau pas criticar aqueste partit que hè tribalhar trisomics per l'insercion.
Es pas trisomic lo tipe dambe son cambajon ? A bon, desencusatz ...

  • 2
  • 1

Escriu un comentari sus aqueste article