Bandièra01 1180x150: País Invisible

Actualitats

crotz-tolosaCreated with Sketch.GasconhaBearnVath d'Aussau

Espòrt Pirenèus, lo cortmetratge dels collegians de Laruns

Lo 6 de junh passat, los escolans del Collègi deus Cinc Monts de Laruns (Bearn) presentèron lor cortmetratge “Espòrt Pirenèus” al cinèma de la municipalitat.
 
Lo cortmetratge, que se pòt veire en linha sul sit de Dètz TV, se difond cada dimars pendent aqueste mes de junh al cinèma de la vila en primièra partida de serada.
 
Escrich en classa e rodat pendent lo festenal de cinèma occitan “Clap de Lenga” a Salias de Bearn, lo filme Espòrt Pirenèus, un magazine esportiu de la Val d’Aussau, foguèt l’ocasion d’una collaboracion entre los escolans, lors professors, lo laboratòri audiovisual Dètz e la Trame.
 
Las diferentas estapas d’escritura foguèron sostengudas pels conselhièrs pedagogics del Centre d’Animacion Pedagogica en Occitan (CAPÒC).

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article