Bandièra01 1180x150: Comuna de Tolosa

Actualitats

Manifestacion contra lo gas de sistre en Menerbés

...per denonciar la multinacionala Lundim Petroleum que voldriá “procedir a de recèrcas sismicas” al país. País Nòstre crida a manifestar amb de drapèls occitans

| Google Maps
Una marcha contra l’esplecha del gas de sistre se debanarà aqueste dissabte 28 de junh que ven en Menerbés per tal de denonciar la multinacionala Lundim Petroleum, que voldriá “procedir a de recèrcas sismicas” dins aquel país de Lengadòc.
 
La manifestacion, qu’un collectiu ciutadan la convòca, començarà a 9h davant la cooperativa d’Argelièrs e en seguida se dirigirà vèrs Mirapeisset. Lo collectiu País Nòstre jonherà la manifestacion e fa una crida a i participar nombroses amb de bandièras d’Occitània.
 
L’extraccion del gas de sistre se fa normalament per una tecnica nomenada fracturacion idraulica —o fracking—. Lo procediment consistís a injectar d’aiga e de sabla sota pression dins lo terren, per alargar las fracturas existentas dins lo substrat rocós que conten lo gas o lo petròli e ne favorir l’extraccion. S’agís d’una tecnica emplegada dins aperaquí 60% dels poses extractius del Mond, e l’usatge s’espandís als Estats Units.
 
Lo govèrn francés adoptèt la lei Jacob, en julhet de 2011, qu’enebís l’esplecha d’idrocarburs liquids o gasoses per fracturacion idraulica; e aboliguèt los permeses exclusius de recèrcas per de projèctes qu’empleguèsson aquela tecnica. Mas las indústrias fan pression contra aquela lei.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article