Los Dracs partiguèron amb una ambicion bèla de l’autre costat de la Marga: anar ganhar pel primièr còp a Leeds!
Dins la setmana, Scott Dureau tornèt prene lo camin d’Austràlia, prestat fins a la fin de sason als Roosters de Trent Robinson. Per faire jogar lo novèl vengut, Sam Williams, l’entraïnaire Fraissinós causiguèt de daissar Tomàs Bòsc a Perpinhan. Jos un cèl gris, Morgan Escarré marquèt d’entrada e, a la pausa amb dos autres ensages marcats per Taia (22a) e Pelissièr (31a) e amb Sam Williams assegurant las 3 transformacions e una penalitat, los Dracs menavan 20-14. Portèron l’avantatge a 24-14 tre la represa amb un segond ensag signat pel Zeb Taia. Mas Leeds profeitava d’una baissa de regim dels catalans per marcar tres còps a l’entorn de l’ora de jòc e prene l’avantatge: 30-24. A dètz minutas de la fin, Darryl Millard pausava la pauma al pè del bandieret del canton de son ala. Sam Williams passava la transformacion de l’egalitat. A doas minutas de la fin, se pensèt que lo sòmi bèl dels Dracs se concretizava mercé a un tombat de Morgan Escarré. Mas los Dracs anavan cometre doas fautas pècas dins las doas darrièras minutas e, mentre que la còrna de fin de partida restontissiá, lo mesclanha dels Rinocèros, Sutcliffe, passava los 2 punts de la penalitat que balhava la victòria als angleses, 32-31, e daissava los uèlhs per plorar als catalans. E dire que la transformacion de l’ensag de Taia aviá rebombat sul pal!
Los locals joguèron amb un malhòt jaune que lo Torn de França de las bicicletas partirà ongan de Leeds, e se passejarà long de doas estapas en tèrra tretzista, per exemple amb l’arribada del segond jorn a Sheffield.
Pels Dracs, un novèl viatge en Anglatèrra los espèra aqueste dimenge 6 de julh: dins la dinamica de junh, seràn los favorits a Bradford, en gardant dins un canton del cap qu’aquela esquipa reputada mens fòrta (avantdarrièra al classament) los eliminèt de la Cup. Los Dracs son plan installats a la setena plaça (qualificativa per las pelhòfas), mas los 6 primièrs s’escapan: Huddersfield, en seisena posicion, es 5 punts davant!
Alan Roch
Dins la setmana, Scott Dureau tornèt prene lo camin d’Austràlia, prestat fins a la fin de sason als Roosters de Trent Robinson. Per faire jogar lo novèl vengut, Sam Williams, l’entraïnaire Fraissinós causiguèt de daissar Tomàs Bòsc a Perpinhan. Jos un cèl gris, Morgan Escarré marquèt d’entrada e, a la pausa amb dos autres ensages marcats per Taia (22a) e Pelissièr (31a) e amb Sam Williams assegurant las 3 transformacions e una penalitat, los Dracs menavan 20-14. Portèron l’avantatge a 24-14 tre la represa amb un segond ensag signat pel Zeb Taia. Mas Leeds profeitava d’una baissa de regim dels catalans per marcar tres còps a l’entorn de l’ora de jòc e prene l’avantatge: 30-24. A dètz minutas de la fin, Darryl Millard pausava la pauma al pè del bandieret del canton de son ala. Sam Williams passava la transformacion de l’egalitat. A doas minutas de la fin, se pensèt que lo sòmi bèl dels Dracs se concretizava mercé a un tombat de Morgan Escarré. Mas los Dracs anavan cometre doas fautas pècas dins las doas darrièras minutas e, mentre que la còrna de fin de partida restontissiá, lo mesclanha dels Rinocèros, Sutcliffe, passava los 2 punts de la penalitat que balhava la victòria als angleses, 32-31, e daissava los uèlhs per plorar als catalans. E dire que la transformacion de l’ensag de Taia aviá rebombat sul pal!
Los locals joguèron amb un malhòt jaune que lo Torn de França de las bicicletas partirà ongan de Leeds, e se passejarà long de doas estapas en tèrra tretzista, per exemple amb l’arribada del segond jorn a Sheffield.
Pels Dracs, un novèl viatge en Anglatèrra los espèra aqueste dimenge 6 de julh: dins la dinamica de junh, seràn los favorits a Bradford, en gardant dins un canton del cap qu’aquela esquipa reputada mens fòrta (avantdarrièra al classament) los eliminèt de la Cup. Los Dracs son plan installats a la setena plaça (qualificativa per las pelhòfas), mas los 6 primièrs s’escapan: Huddersfield, en seisena posicion, es 5 punts davant!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari