CAPÇALERA2: FAI-TE SOCI

Jornalet, gaseta occitana d'informacions

Divendres, 22 de febrièr

Actualitats

Dimars, 1 de julhet de 2014, 03h00 Societat

Pèire Bèc nos a quitat

Lo grand escrivan e lingüista occitan foguèt un dels paires de l’occitan estandard e de la nòrma ortografica de l’aranés


Comentaris 10 comentaris    
Marrit Flac Bon Plan bon Fabulós (9 vòtes)
carregant En cargar


Pèire Bèc en 2010
© Georges Souche





Etiquetas
bèc, necrologica, pèire bèc

Pèire Bèc, lo grand escrivan e lingüista occitan, nos quitèt ièr diluns dins sos 92 ans. Occitània ven de pèrdre un militant de tria e un de sos principals especialistas en dialectologia, lenga estandard, lenga medievala e literatura. Bèc foguèt lo primièr a far un trabalh scientific per estandardizar l’occitan sus de basas racionalas e sistematicas, al començament dels ans 1970. En 1982 faguèt partida de la comission que fixèt la nòrma ortografica de l’aranés, oficializada en 1983 e inserida dins lo sistèma pus general de la nòrma classica.
 
Bèc nasquèt a París en 1921, de maire creòla e de paire comengés, mas visquèt tota son enfança a Casèras (Comenge). De 1943 a 1945, foguèt presonièr de guèrra en mans dels nazis. Puèi faguèt sos estudis a París en s’especializar en lingüistica romanica, e pus precisament en occitan ancian e modèrne.
 
Après sas doas tèsis, Pèire Bèc foguèt nomenat mèstre de conferéncias puèi professor a l’Universitat de Peitieus, ont trabalhèt fins a sa retirada en 1989. Foguèt tanben director del Centre d’Estudis Superiors de Civilizacion Medievala e president de l’Institut d’Estudis Occitans (IEO), que ne foguèt un dels fondadors.
 
Participèt activament a las òbras del Conselh de la Lenga Occitana (CLO) de 1997 a 2001 per precisar e consolidar la nòrma classica. En 2012 devenguèt president d’onor de l’Acadèmia Occitana-Consistòri del Gai Saber. Plan recentament, pendent la prima de 2014, acceptèt d’intrar dins l’Institut d’Estudis Araneses-Acadèmia Occitana (IEA), que deven ara l’organisme oficial de codificacion de l’occitan per las autoritats aranesas e catalanas (en aplicacion de la Lei de l’occitan, aranés en Aran).
 
Demest sas òbras nombrosas cal citar son celèbre manual de vulgarizacion La langue occitane (colleccion Que sais-je?, 1963), “Petite nomenclature morphologique du gascon” (1959), Les interférences linguistiques entre gascon et languedocien dans les parlers du Comminges et du Couserans (1968), Manuel pratique de philologie romane (1970-71), Manuel pratique d’occitan moderne (1973); e mai, dins lo domeni literari, Au briu de l’estona (1955), Lo Hiu Tibat (1978, una novèla que conta sas aventuras de presonièr de guèrra en Àustria) o encara lo roman Sebastian (1980)...
 
Lo 25 d’octòbre de 2010, Pèire Bèc recebèt lo Prèmi Robèrt Lafont, que la Generalitat de Catalonha lo liura a las personas que se destacan dins “la defensa, projeccion e promocion de la lenga occitana”. Dins aquela escasença nos expliquèt son òbra per Barcelona TV:
 



publicitat



Comentaris

3 de julhet 10.53h

E un poèma dit peu medish Pèire Bèc: http://youtu.be/T4tkEQxvV5k


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

3 de julhet 07.16h

Qualques oras de viatge comun amb Pèire Bèc, en 1995, refortiguèron coma mai mas conviccions occitanistas e umanistas. Èra un òme. D'òc e de l'umanitat.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

2 de julhet 16.59h

Vaig tenir la sort de parlar amb ell alguns cops. Hem perdut un gran humanista, un gran filòleg, una gran persona. Repausatz en patz, benvolgut professor!


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

1 de julhet 19.29h

Un grand òme d'Òc ven de partir :
linguista, coneisseire dels trobadors, poèrta, escrivan, responsable associatiu..

Bèc nos va mancar , mas amb lo sovenir d'el, contunharem a sortir las arpas per la lenga nòstra.


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

1 de julhet 16.23h

Em vaig començar a interessar d'una manera especial per l'occità mercès a la traducció catalana d'Edicions 62 de la seva obra "La langue occitane", que vaig treure de la biblioteca de la Universitat de Barcelona.

Aquest llibre em va agradar tant que el vaig voler tenir en propietat, però malauradament no va ser possible perquè l'edició estava exhaurida. Llavors el vaig tornar a manllevar i el vaig fotocopiar. De tant en tant encara me'l repasso.

El meu sentit homenatge a la memòria de... Legir mai


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

1 de julhet 11.46h

Se me poio permetre un testimoni personau... Conoissio lo QSJ La langue occitane despuèi 1968, qu'es probablament un dels premiers libres sus l'occitan qu'ai agut. Mas es ren qu'en 1972 que l'ai vist e auvit per lo premier cop, a l'universitat occitana d'estiu de Montpelhier, la premiera. Fasia un cors suu diasistèma, e presidava l'AG de l'IEO - n'es estat lo president dinqu' la crisi de 1980. L'ai vertadierament rescontrat quauques ans puèi. Era un d'aquelos pioniers de l'occitanisme que de... Legir mai


Valoriza aqueste comentari:   votar positiu 26   votar negatiu 0
Respondre comentari replica Comentari inadeqüat   Formulari d'abús de comentari

1 de julhet 10.59h

En Pèire BÈC èra lo president d'onor de l'Acadèmia Occitana. Mas èra tanben, dins la seguida de'N Renat NELLI, lo romanista mai jaurèl e l'analista mai fin e mai fisable de l'erotica dels trobadors. Nos mancarà, e non serà remplaçat aisidament, ne soi segur. Tot lo mieu salut coral, tanben, a sa memòria d'escrivan e de musician.


Valoriza aqueste comentari:   votar positiu 21   votar negatiu 1
Respondre comentari replica Comentari inadeqüat   Formulari d'abús de comentari

1 de julhet 09.56h

Avèm perdut un grand òme. Es una tristesa immensa. Que son remembre siá etèrne.


Valoriza aqueste comentari:   votar positiu 21   votar negatiu 1
Respondre comentari replica Comentari inadeqüat   Formulari d'abús de comentari

1 de julhet 08.42h

Repausatz en patz sénher Bèc ... Foguèretz un lingüista de tria e un especialista dels Trobadors. M'agrada fòrça de tornar legir los vòstres romans: lo hiu tibat, Sebastian, ... E los contes de l'Unic, contes esquiçats. Sètz lo que prepausèretz un occitan estandard d'un biais seriós. Tanben pel gascon (planhi que lo gascon de ''referéncia'' a l'ora d'ara siá pas lo vòstre mas lo bearnés fin finala ....). Vos acantonèretz pas qu'a l'accion culturala occitana mas totjorn faguère... Legir mai


Valoriza aqueste comentari:   votar positiu 17   votar negatiu 2
Respondre comentari replica Comentari inadeqüat   Formulari d'abús de comentari

1 de julhet 04.33h

Occitània lo pòt plorar com se dèu !


Valoriza aqueste comentari:   votar positiu 18   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

La manifestacion de Tolosa: una esperança per l’occitanisme

La darrièra agression que ven de la patir la lenga nòstra es fòrça grèva. Lo Ministèri de l’Educacion de París a mostrat una volontat evidenta de ...
giny

Lo temps

Mapa
  • sol Agen 21 2
  • sol Aush 21 3
  • sol Bordèu 22 4
  • sol Briançon 13 -3
  • sol Caors 21 3
  • sol Carcassona 22 4
  • nuvols_parcials Clarmont-Ferrand 16 2
  • sol Confolent 18 5
  • sol Gap 19 2
  • sol La Canau 22 4
  • nuvols La Gàrdia 11 -2
  • sol La Torre de Pèlitz 21 5
  • sol Limòtges 16 2
  • sol Lo Borg Sant Dalmatz 21 5
  • nuvols_parcials Lo Puèi de Velai 14 0
  • nuvols_parcials Marselha 20 4
  • sol Montpelhièr 20 8
  • sol Naut Aran 19 2
  • sol Niça 15 -4
  • sol Nimes 21 6
  • sol Pau 22 4
  • sol Peireguers 20 6
  • sol Rodés 19 3
  • sol Tolon 20 4
  • sol Tolosa 21 3
  • nuvols_parcials Valença 16 1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

lateral 2 teveoc

Fotografias

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Franc Bardòu

    Coserans al còr

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • País de Rasés. © Franc Bardòu

    País de Rasés

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Castelar

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • País de Rasés. © Franc Bardòu

    País de Rasés

  • © Zep Armentano

    Era Mongetada (Val d'Aran 28-29 d'octobre 2017)

  • Aison. © Andrea Celauro

    País d'Aison (Val d'Estura)

  • © Franc Bardòu

    Catalonha etèrna

  • © Laurenç Revèst

    Menton, 'a vivaroalpenca maritima

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Asuèlhs Bigordans

  • Minecraft en version occitana

  • Estivada 2013. © Guillem Sevilla

    Estivada 2013

  • Gavotina marítima: trofèu d'August e vila vielha d'A Torbia

  • Rocavion (Val Ges). © Cristòu Daurore

    Rocavion (Val Ges)

  • Exposicion temporària sus Robèrt Lafont al CIRDOC (D.R.)

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la manifestacion de Tolosa a portat un vam nòu al combat occitanista?


61%



18%



9%



8%



4%




Vots 160 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)