Actualitats
Lo govèrn bolivian a inventat lo “relòtge del sud” que vira a man esquèrra
Las agulhas del relòtge installat a la faciada del congrès marcan las oras en sens contrari, coma simbòl del cambiament politic del país
En escasença del solstici d’ivèrn en Bolívia, lo govèrn d’Evo Morales a installat un nòu relòtge sus la faciada del Palais del Congrès, a La Paz, e aquò a levat de reaccions de tota sòrta. Tant lo ministre dels afars estrangièrs del país, David Choquehuanca, coma lo president del Senat, Eugenio Rojas, l’an nomenat lo “Relòtge del Sud”, e sa caracteristica principala es que las agulhas viran cap a l’esquèrra, en luòc de la drecha, per representar la transformacion politica que viu Bolívia e per far prene consciéncia al pòble de l’identitat de l’esquèrra latinoamericana.
L’idèa vòl far prene consciéncia als bolivians del moment istoric que viu Bolívia, un país de l’emisfèri sud e non pas del nòrd: “Nos cal pas complicar, nos cal simplament èsser conscients que vivèm al sud, sèm pas al nòrd”, segon Choquehuanca. “Sèm al sud e vivèm un temps de recuperacion de la nòstra identitat”.
Al “Relòtge del Sud”, lo nombre 12 es encara en posicion nòrd, mas las agulhas viran cap a l’esquèrra per comptar una ora, doas oras, tres oras, quatre oras, cinc oras e sièis oras, apuèi puèjan cap a la drecha fins a dotze oras.
La decision del govèrn bolivian a generat fòrça reaccions dins los mèdias e los rets socials, dont la majoritat son de tipe ironic.
L’idèa vòl far prene consciéncia als bolivians del moment istoric que viu Bolívia, un país de l’emisfèri sud e non pas del nòrd: “Nos cal pas complicar, nos cal simplament èsser conscients que vivèm al sud, sèm pas al nòrd”, segon Choquehuanca. “Sèm al sud e vivèm un temps de recuperacion de la nòstra identitat”.
Al “Relòtge del Sud”, lo nombre 12 es encara en posicion nòrd, mas las agulhas viran cap a l’esquèrra per comptar una ora, doas oras, tres oras, quatre oras, cinc oras e sièis oras, apuèi puèjan cap a la drecha fins a dotze oras.
La decision del govèrn bolivian a generat fòrça reaccions dins los mèdias e los rets socials, dont la majoritat son de tipe ironic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
N'èi pas comprés se las agulhas e viran a esquèrra per'mor que son dens l'emisfèri sud o per'mor que lo país ei governat per l'esquèrra... o los dus...
Lo camarada Evo, coma totes los caps d'estat latinoamericans d'esquèrra vertadièra, se tròba empachat d'agir segon son ideologia per l'empèri estatsunian financiarista ultraliberal. Fa qu'es adara obligat e far de politica espectacla… coma se foguèsse un socialista alla francese !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari