Actualitats
Russia a interdich los renècs
Dempuèi lo 1r de julhet los mots grossièrs son interdiches dins los mèdias, los filmes e las manifestacions artisticas
Conten de mots grossièrs
Los filmes que contenon de mots grossièrs pòdon pas èsser distribuits dins los cinèmas. La lei tanben tòca la television e totes los mejans de comunicacion.
En Russia i aurá pas pus de renècs. Ni a la television, ni al cinèma, ni als teatres, ni als concèrts, ni dins los libres que son per estampar. E non, aquò’s Jornalet. Sètz pas tombats dins un article de Manaset.fr. Es pas tanpauc un peis d’abril.
Benlèu es qu’en Russia lo lengatge grossièr èra plan popular. Òm pòt pas dire que qualqu’un parla rus se coneis pas los mots essencials de mat, l’argòt rus de la vulgaritat e la sexualitat. A partir de dimars, aquel jornal rus que transcriurà Блядь [blyád’] (puta); Хуй [khúy] (vièch); Ебать [yebát’], (potonejar, mas en volent dire bicar); Пизда (f) [piszdá] (con) deurà pagar una emenda de 40 000-50 000 robles (800-1000 èuros). E aqueles 4 mots son pro frequents, ça que la.
Quicòm mai. Cada filme, cada sèria novèla que contenga un lengatge grossièr obtendrà pas lo certificat de distribucion e se poirà pas veire dins los cinèmas e televisions del país.
Solucions?
I a una sola solucion: la censura. E vai lor dire qu’en Breaking Bad la lenga dels personatges depend de sa classa sociala o lo gra de l’estat de marginalitat. Se lo libre, filme, sèria... etc. vòl trobar sa practica en Russia sufís de n’ofrir una version modificada plan coma cal.
Las emendas:
— Per los particulars: entre 2000 e 2500 robles (40-50 èuros). Benlèu val lo còp.
— Per los foncionaris publics: entre 4000 e 4500 (80-90 èuros).
— Per las personas moralas: entre 40 000 e 50 000 robles (800-1000 èuros).
— Per los foncionaris publics: entre 4000 e 4500 (80-90 èuros).
— Per las personas moralas: entre 40 000 e 50 000 robles (800-1000 èuros).
Los libres, CD o filmes anteriors a la lei se poiràn, pr’aquò, vendre o comprar, mas coma pels paquets de tabat i aurà l’avertiment: “Conten de mots grossièrs”.
Seriá plan s’un article venent nos parlava de quin futur del punk-ska rus, vertat?
Manèl Zabala
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De segur que cal contunhar de butar las nòstras fusadas de guèrra tot a l'entorn de Russia, dins Polonia , Estonia, Slovaquia, Bulgaria e deman enfin Ukraïna, per qu'an pas comprès los russes, lo nòstre agach liberator ( que son dangerios los russes e Potine encara mai coma diguèt Clinton fa gaire , mas subretot per de que sèm nosautres de pacifistas acarnassits ( e vertadièrs) , veire Siria ,Liban , Libia , Mali, Iraq e autres Hiroshima ) sul monde e que li cal remembrar (al passatge) al pòble russe consi avem bastit la nòstra riquèsa suls esclaus de totes paises , los slaves (esclaus) a la debuta de l'edat mejan puèi suls africans per desenvelopar l'America (mai de cinquanta millions de viatjaires un còp èra) .... La ierarquia qué!
Visca la guèrra de 14 e visca la guèrra probabla ambe la Russia ambe lo Jornalet .
Sabi pas se los russes an rason de caçar los renecs , mas tròbi que tot aquel monde liure ( e aquel article n'es un exemple de mai , ambe un fum d'autres de pertot ) son a mand de nos preparar una brava guèrra ambe Russia. ( veire la germanofobia jornalistica de 1913)
Alara per un cant de libertat françés e la libertat vertadièra de renegar e soslinhar cossi son endarrièrats(los russes) vos dòni qualques renècs pel plaser :
Merda e puta bòrnha e roja , e colha de rata, cagarèls de mèrda, encuoladas de los preires , d' imams e de rabins, e de las moscas , e escupits vèrds de jornalistes liures qu'aiman los quarantas tombarèls de mèrda del grand e cagadas gaujosas sul gras de la gleisa, mentre que de femnas dansan las popas nudas sus l'autar . Ambe lo meu degolandis.. sul meu viech roge pudent de ròsa trempa de fems
m.... a Tots .
Soi "in"? E s'acuòla lo paure de benastre!
Aici sèm sobeiran en rapòrt dels russes !!!!
Espèri d'èsser pas censurat.... A la libertat de dire!!!!!!
A lèu
Tala modestia èra caracteristica per lo periòde sovietic. Lo diccionari etimologic rus de Max Vasmer, originalament escrit en alemand, dins la sua revirada russa (Moscòu 1986) manca paraulas como пизда e ебать (a prepaus d’aquesta paraula: ela non sinhificava jamai “potonejar”, autrament che lo famós vèrbe francés).
Viet d'ase! Aqueles putanièrs fan pas dins la nuança!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari