Bandièra01 1180x150: Comuna de Tolosa

Actualitats

Tolosa es a 1 èuro de Barcelona!

A partir d’uèi 7 de julh, la societat de transpòrts viaris Megabus prepausa lo viatge en bus de Tolosa e Barcelona al prètz d’un èuro.

Megabus es una filiala del grop internacional Stagecoach Group, essencialament present al Reialme Unit e en America del Nòrd. Recentament, an decidit de metre en foncion una linha Londres-Barcelona que passa per Tolosa. Aqueste prètz d’un èuro es lo mai bas e correspond a de condicions promocionalas. La tarifa mai comuna es de 5 èuros, çò qu’es encara una ofèrta vertadièrament interessanta. Los busses partisson de Tolosa cada jorn a 6h25 amb una arribada prevista per 11h55. Dins lo sens Barcelona -Tolosa, la partença se fa a 16h00 per una arribada a 21h30. Las bilhetas se pòdon crompar per Internet. Lo còst de reservacion es de 0,50 èuros.

La companhiá Megabus prevei un bon succès per aquesta linha, tant pels prèses prepausats coma pels oraris que vertadièrament facilitan los transpòrts entre la capitala occitana e la de Catalonha. La dubertura d’aquesta linha pòrta la pròva que las iniciativas economicas pòdon prene lo pas sus l’ineficacitat de l’estat francés a bastir una politica dels transpòrts modèrna entre Occitània e Catalonha.
 
 
 
 
TL

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lafontan Tolosa de Lengadòc
30.

Fasètz cagar amb vòstre besonh de capitala, soi tolosan mas m'en trufi e pensi mesme que seria plan de la botar quora n'aurèm besonh, (cal començar per far la nacion d'en primier) dins una pichòta vila coma Carcassona, Albi o Rodés.

  • 2
  • 0
Pascau
29.

La capitala d'Occitania que serà donc... ...

La Comba d'Arc!!!!

Per aqueths qui, com jo, descobreishen aqueth nom en mème temps que la grandor de la loa inhoréncia, uèra un article instructiu : http://oc.wikipedia.org/wiki/Bauma_Chauvet

Lafontan, suu hons qu'avetz rason mes un còp dit qu'ei plan de viatjar pas car, que n'avem parlat, deu contengut vertadèr de l'article, non?... E puish atau lo còp qui vien, que poderatz díser aus patriòtas tolosans e marsilhés que la capitala occitana qu'ei la Comba d'Arc e que n'i a pas mei a debàter : qu'ei atau.

  • 0
  • 0
Lafontan Tolosa de Lengadòc
28.

Òu sabètz pas ?
Es possible d'anar de Tolosa a Barcelona per 1 €, pas mal, non ?

  • 4
  • 1
Pascau
27.

Aquiu la lista de las capitalas perpausadas per òrdi alfabetic :

1- Autariba
2- Bordèu (en competicion parallèla per vàder capitala de Gasconha si Gasconha hè secession)
3- La bòrda perduda deu Che Jr près de l'Avana
4- Las Caus (enquèra miélher qu'ua capitala istorica : ua capitala PREistorica!)
5- La Comba d'Arc
6- Foish
7- Marselha
8- Lo Mont de Marsan (tanben en competicion parallèla per vàder capitala de Gasconha)
9- Pau (en competicion per estar capitala d'Occitania E de Gasconha, çò qui complicarà lo son estatut en cas de secession gascona... mes aquò rai : las enclavas e los espacis dab estatuts de mau compréner qui datan d'abans lo deluvi, que n'i a dejà un hèish en Bearn!)
10- Tolosa


Que'vs prepausi de tirar au sòrt anueit : doman l'article que quitarà la purmèra paja e arrés n'i harà pas mei cas. Si n'i a qui vòlen hornir proposicions de capitalas, que vs'i cau pensar lèu, donc.

Aquiu un sit de dats virtuaus per tirar au sòrt : http://de.virtuworld.net/.
Qui a un uissièr a casa per verificar que ne triche pas?

  • 6
  • 0

Escriu un comentari sus aqueste article