Los deputats de l’estat francés examinaràn aquesta proposicion dimècres, en comission. La fusion Lemosin-Aquitània semblariá de far consens. Permetriá a Lemosin d’èsser dins una region de majoritat occitana.
Los deputats de l’Assemblada dicha Nacionala, a París, debatràn aqueste dimècres, en comission, d’una proposicion de modificacion de la reforma territoriala. Consistís a fusionar las regions de Lemosin e d’Aquitània.
Seriá la sola modificacion del projècte del govèrn francés que prevei, el, de fusionar Lemosin amb las regions del Centre e de Peitau-Charantas (en laissant Aquitània dins son estat actual).
Divendres passat, lo Senat (la cambra nauta) aviá ja refusat lo projècte del govèrn. Desenant, donc, es l’Assemblada dicha Nacionala (la cambra bassa) que pòt far de proposicions per que lo projècte del govèrn siá adoptat, amb d’emendaments eventuals.
Lo deputat Carlos Da Silva, del PS, elegit en Illa de França e pròche del primièr ministre Manuel Valls, es encargat de menar aquesta proposicion de modificacion. Explica, segon Libération, que la fusion de Lemosin amb Aquitània es la sola idèa que fa consens entre los deputats.
Se per cas aquela proposicion foguèsse acceptada, la reforma territoriala, tocant Occitània, poiriá presentar las regions seguentas:
— Regions amb una majoritat occitana: Aquitània-Lemosin, Miègjorn-Pirenèus-Lengadòc-Rosselhon, Provença.
— Region mièja occitana e mièja arpitana: Auvèrnhe-Ròse-Alps.
— Region amb una minoritat occitana: Peitau-Charantas-Centre.
— Region mièja occitana e mièja arpitana: Auvèrnhe-Ròse-Alps.
— Region amb una minoritat occitana: Peitau-Charantas-Centre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
http://www.lemonde.fr/politique/article/2014/07/08/le-cas-du-limousin-relance-le-debat-sur-les-regions_4453284_823448.html
Per aquelei que legisson lo francés...
De notar qu'aparentament, e segond la volontat de certans elegits, lo descopatge se farà bessai per departament...
A... dròlles, paubre Lemosin, ten...
Qu'es pas si tant pieg coma lo prumier project emb lo Centre mas 'chabaram queraque per nos far minjar per Bordeu, e vei-te-quí que nos tornem trobar emb l'enemic de Limòtges en basket-ball, Pau. A be quò-quí ! Lo Lemosin auriá degut demorar solet (e pas mai emb l'Auvernha que, 'lai, son tròp chichons e cresós).
Anem, sei 'quí que fau mon maujauvent mas qu'es mielhs totparier.
Lemosin amb Alvèrnhe ! Enfin una region nòrd occitana en se, sensa dominacion per un autre ensèm !
"Miègjorn-Pirenèus-Lengadòc-Rosselhon, Provença"
i a pas qualqua ren que truca ? Non ??
2 noms de regions administrativas e "Provença", es pas coërent : siá notatz Lengadòc, Gasconha (Part), Provença, Dalfinat. Siá Provença-Alps-Còsta d'Azur.
Perqué un tractament a despart de Provença ?
Una practica occitanista neofelibrenca ?
Quo es mielh mas tant que los politics repondran pas a las questions: "perque an desertifiat lo Massif Centrau e perque an fach las rotas e la linhas de chamin de fer en fasant lo torn dau massif centrau,
perque las regions occitanas alentorn dau massif-centrau fan ren per l'integrat dins un developament economic d'una faiçon o d'una autra", anirem pas bian lonh.
Lo massif Centrau es un liam per las regions occitanas e un teritori que fai l'unitat de l'occitania;
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari