Bandièra01 1180x150: Comuna de Tolosa

Actualitats

Un avion de Malaysia Airlines amb 295 personas es tombat en Ucraïna

Seriá probablament abatut per un missil tèrra-aire

Un avion de la companhiá aeriana Malaysia Airlines, amb 295 personas a bòrd, tombèt ièr a l’èst d’Ucraïna, près de la frontièra amb Russia. Sembla que totes los viatjaires son mòrts.
 
Se crei que l’avion seriá estat abatut, probable, per las fòrças pròrussas; Malaysia Airlines publiquèt sus Twitter qu’aviá perdut lo contacte amb l’avion; pauc après, lo coronèl rus Igor Strelkov publiquèt sul ret social VKontakte qu’avián abatut un AN-26 ucraïnés, e qualques minutas puèi eliminèt la publicacion. Los pròrusses de Donetzk an desmentit èsser los autors de l’atemptat e dison qu’an pas de missils del tipe Buk, e mai s’en junh passat s’èran vantats de n’aver. De lor costat, de mèdias russes creson que l'avion seriá estat abatut per un missil de l'armada ucraïnesa.
 
L’aparelh, un Boeing 777, fasiá la rota entre Amsterdam e Kuala Lumpur e desapareguèt dels radars a quatre oras, quand subrevolava l’espaci aerian de la region de Donetzk, ont dempuèi de meses i a de combats entre l’armada ucraïnesa e las milícias pròrussas.
 
Segon l’agéncia de nòvas Interfax, que mençona de fonts del govèrn rus, l’avion l’auriá abatut un missil tèrra-aire. De son costat, l’agéncia AP soslinha l’ipotèsi del missil en se referissent a un comentari publicat sus Facebook per Anton Herashenko, assessor del ministre de l’interior d’Ucraïna.
 
L’avion aperten a la meteissa aerolinha que la del vòl MH370, que desapareguèt sus l’Ocean Indian al mes de març passat.
 
L’estat francés a demandat a las companhiás aerianas d’evitar l’espaci aerian ucraïnés.




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Claudi Balaguer (Capsot) Millars (Catalonha del Nòrd)
3.

Adieu a totes,
Vos laissi aici' un ligam interessant que mòstra la manipulacion dels mejans russes, e un dels propagandistas mai importants qu'"acompanhan" los "separatistas", LifeNews:
http://ukraineatwar.blogspot.nl/2014/07/russias-propaganda-network-lifenews.html

Bona nuèch, a lèu,
Claudi/Capsot

  • 0
  • 0
garric
2.

Los separatistas russes, an vist quicòm e an tirat... Mas èran de bons soldats.

  • 0
  • 0
Claudi Balaguer (Capsot) Millars (Catalonha del Nòrd)
1.

Adieu a totes (perdon per qualques accents aguts qu'ai marcat amb apostròfa),
Sabi pas se la formulacion "los mèdias russes creson" es adequada, seria' puslèu "dison"/"afirman", albiri, que la manipulacion dins los mejans russes i es fòrça intensa...

Cal apondre tanben que la quita television russa (aparentament LifeNews qu''acompanhan' de longa los sepatistas: https://twitter.com/OTregub/status/489911715338137600/photo/1) anoncièt la "facha" dels separatistas ucraïnians (+ terroristas russes), abans de tornar enrè. Dempuèi aquel temps los russes e russofils an avançat aparentament mantuna teoria:

1) Un avion de caça ucraïnian auria' abatut l'avion de linha abans d'èsser abatut pels "rebèls"... (Son los campions del drech!!! e impossible dins la mesura que lo missil ven de tèrra < doncas messorga evidenta)
2) Los ucraïnians an volgut abatre l'avion de Po'tin e se son enganats... (Pensi que la trajectòria de l'avion se se son poguts crosar a Varsòvia podia' pas passar per los territòris de Donetsk o Lohansk... mas mai al nòrd.

S'apondem aquestas temptativas de desinformacion (per qué se son pas copables?) a

3) l'ano'ncia facha pel cap rus e militar dels separatistas, Bezler, qu'èra plan ufano's d'aver abatut (tornar, que n'an tocat mantun darrièrament) un avion ucraïnian, e escafada tot bèl just aprèp de saber que l'avion èra pas ucraïnian.
4) Las convèrsas tengudas per Internet per li demandar d'escafar lo messatge e de veire sa bo'stia electronica
5) Las convèrsas filtradas pels servicis secrets ucraïnians (http://www.youtube.com/watch?v=VnuHxAR01Jo&feature=youtu.be)
6) Sembla d'i aver de fotografias d'un dispositiu Bok (Buk en transcripcion internacionala) a l'entorn de Torez/Snizhne (https://twitter.com/euromaidan/status/489834317238247424/photo/1, https://twitter.com/djp3tros/status/489848712450277376/photo/1 e https://twitter.com/lennutrajektoor/status/490016463772975104/photo/1) e mai una vidèo (http://www.youtube.com/watch?v=3WjhUAZNHBM&feature=youtu.be&list=UUMgrofT7rfqEPxzicmfdo9w) s'evidentament es pas estat emplegat lo Photoshop...
7) E mai dins l'ipotèsi que los ucraïnians aguèssen un dispositiu de tipe Bok a ras de l'airal de conflicte (çò que deuria'n pas aver dins la mesura que la soleta aviacion que pòsca intervenir es la russa e que los separatistas an pas d'avion), la distància de tir seria' probablament tròp alunhada per tocar l'avion.

demòran pas tròp de dobte que foguèron los (pro)russes que faguèron l'assassinat.
De tot biais, èra pro evident que davant l'inaccion dels occidentals, quicòm de mai grèu que çò que se passa cada jorn e a costat la vida a mai de 500 ucraïnians (e un nombre indeterminat de guerrilhièrs russes, chechèns, ossètas e mai armènis entre d'autres supòrts de l'expansionisme rus. qu'a ja manjat Crimèa...)
Puèi, sabi pas se sabrem quicòm que las bo'stias negras seràn/son a mand d'èsser portadas a Moscòu (capitala dels supausats separatistas...), s'i son pas ja...
Do pobachennja!
PS: Per mai d'informacion (ucraïniana e benlèu pas totjorn neutra segur... es en anglés mas an tanben una version italiana mas sabi pas s'es tant completa...): https://twitter.com/EuromaidanPR.
Aparentament una vidèo (la primièra) de LifeNews foguèt escafada pel mejan: http://www.youtube.com/watch?v=j1XSvxCfIuo&feature=youtu.be

  • 7
  • 1

Escriu un comentari sus aqueste article