Bandièra01 1180x150: Comuna de Tolosa

Actualitats

Tornado mortal en Bas Vivarés e las Garrigas

| Sébastien Faret
Un òme de 50 ans mòrt e quatre personas feridas: es lo bilanç d’un tornado que damatgèt, ièr de tantòst, lo camping de plaja de Sant Just d’Ardecha (Bas Vivarés). Una femna seriá atanben mòrta qualques quilomètres al sud, a Sant Paulet de Caisson (Garrigas), victima de la casuda d’un arbre provocada per lo tornado, tanben dins un camping.
 
La casuda dels arbres toquèt un centenat de caravanas, de tendas, d’ostals mobils e un restaurant dins tres campings de la zòna.
 
“Aquò es la catastròfa aicí. Aviam jamai conegut un drama coma aqueste. Los tres campings son devastats. D’arbres centenaris son tombats sus las tendas, las caravanas. Totes son traumatizats. Cal assegurar l’ensemble del sector, lo trabalh va durar mantas oras”, çò testimonièt dins Le Dauphiné lo cònsol de Sant Just d’Ardecha, Pierre-Louis Rivier.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article