CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dimenge, 3 d'agost de 2014, 03h00 Societat,Politica,Lenga

Occitans e catalans s’amassan un còp de mai a Salau

Lo rescontre d’ongan es marcat pel referendum per l’independéncia de Catalonha, e per l’assemblatge d’Occitània dins un probable estat catalan


Comentaris 11 comentaris    
Marrit Flac Bon Plan bon Fabulós (5 vòtes)
carregant En cargar


Coma cada an dempuèi vint e sèt annadas, de centenats d’occitans e catalans s’amassan uèi al Pòrt de Salau, al limit occitanocatalan, per Coseran, a 2100 mètres de nautada. Los participants puèjan del costat occitan de Salau (Coseran), en tot marchar doas oras e mièja, e del costat catalan d’Esterri d’Àneu (Palhars Sobeiran) en tot caminar qualques 45 minutas. L’amassada es organizada pel CAÒC e per l’ASPIC, coma una escorreguda d’amistat e de revendicacion nacionala dels dos pòbles vesins. Ongan la jornada compta amb lo sosten de l’Assemblada Nacionala Catalana (ANC), Òmnium Cultural e qualques elegits catalans.
 
Un còp sul pòrt, s’i fa d’actes d’afrairament amb un escambi de produches dels dos costats: de formatge, de vin, de liquors amb de ratafià, de galetas, de chocolat, de carnsalada, etcetèra. Tanben i dançan de danças tradicionalas al son dels musicians pirenencs, occitans e catalans. Al delà, se debanan, coma d’abitud, los discorses de benvenguda, las cançons e los imnes en issant las doas bandièras. Ongan se fa un mosaïc gigant revendicant que los catalans pòscan votar lo 9 de novembre que ven sus l’independéncia.
 
L’emplaçament d’aquel pòrt es simbolic: es un camin natural entre Occitània e Catalonha, qu’a servit istoricament per far de comèrci e per connectar los dos pòbles. Pendent la Guèrra d’Espanha de milièrs de republicans i passèron en essent sus lo camin de l’exili. Normalament los occitans i menan lo formatge del temps que los catalans menan lo vin.
 
 
L’assemblatge d’Occitània dins l’encastre d’una Catalonha independenta
 
Ongan los actes an començat una jornada abans del costat catalan. Ièr a Esterri d’Àneu, l’ANC, Òmnium Cultural e qualques elegits dels partits catalans favorables al referendum per l’independéncia participèron en un debat sus l’“assemblatge d’Occitània dins l’encastre d’una Catalonha independenta”. Lo debat foguèt acompanhat per d’animacions pendent tota la serada.



publicitat
BANER1-2-3: DGPL DICTADES



Comentaris

11 d'agost 10.28h

Fa tant temps que ho volem, Catalunya i Occitània.
Pere i "El Catòlic ", ho volia, Ramon de Tolosa, també, i nosaltres també.
Per tant ens toca ésserr lliures i units.
Lluitem pel mateix.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

4 d'agost 17.43h

qu'ei hèra plan de sonejar,mès un assemblatge dera grana Occitania en ua Catalonha indepenta qu'ei un sonei ,permèrament era grana Occitania n'a pas jamès existit dusaument en eth quadre d'aqueth assemblatge que caleré tirar era Gasconha pormor Gasconha era debuta n'a pas agut aliganças dab Catalonha mès mes d'avit dab Aragon. Que son eths condes de Barcelona qui per maridatge an portat eth titou d'Arrei d'Aragon .


Valoriza aqueste comentari:   votar positiu 3   votar negatiu 3
Respondre comentari replica Comentari inadeqüat   Formulari d'abús de comentari

4 d'agost 11.45h

#7 Coma traductor e revisor d'articles del catalan al francés per Help Catalonia, me còsta sovent de saber quin es lo sens exacte del mot "encaix" (espanhòl "encaje"). Lo compreni amb lo sens de "compatibilitat".


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

4 d'agost 02.03h

#7 Mercés.

"Lo restacament" d'un cèrt biais, o "l'insercion", o perqué pas "l'empèut", non ?
Afen, "assemblatge" se pòt mai o mins compréner dins queu sens mas ne'n èra pas segur.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

4 d'agost 01.05h

#4 Eth nom deth col·lòqui en catalan ère: “Encaix d’Occitània en una Catalunya independent”


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

3 d'agost 23.11h

OK, mercés, lo francés "réunion" me parla mai. Qu'es donc ben dins la perspectiva d'un possible estat occitano-catalan. T'assegure que "assemblatge" me parlava pas dau tot. E ben, me semblen fòrça optimistas au CAOC de considerar que França puesche un jorn laissar 'nar Occitània a Catalonha, afen, quò empescha pas de l'imaginar, sap-t-un...


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

3 d'agost 22.59h

#4 Ai pas redigit aqueste article e pòdi pas respòndre per lo redactor.

Ieu compreni simplament 'assemblatge' coma l'acte d'assemblar.

Lo diccionari de Mistral tradutz e explica lo mot occitan 'assemblatge' ansin, en francés: "assemblage, réunion (...); _assemblatge de parents_, conseil de famille; (...) _fasèm pas de bòsc d'assemblatge_, nous ne sympathisons pas (...).

Cresi que l'usatge dau mot 'assemblatge' es luminós dins aqueste article.


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

3 d'agost 22.47h

Qu'es quò queu meschant poce roge sos mon comentari precedent ? Ieu pause mas 'na question en tota bona fe, comprene pas la paraula "assemblatge" e l'article explica pas vertadierament.
Domergue, coma comprenes "assemblatge" ? Ai queraque pas pro de practica de Jornalet. Benleu que podràs m'ajudar a l'i veire clar... Imagine 'na mena de collaboracion activa o benleu l'idéia d'un futur estat occitano-catalan mas sabe vraiment pas si qu'es quò-'quí. "assemblatge" me sembla pas clar dau tot, ... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

3 d'agost 21.45h

#1 Bourdon a escrich: "Lhèu nòvlenga nacionalista ?" Coma de costuma, son leis antinacionalistas crispats e fanatics qu'atacan gratuitament lei nacionalistas...


Valoriza aqueste comentari:   votar positiu 7   votar negatiu 3
Respondre comentari replica Comentari inadeqüat   Formulari d'abús de comentari

3 d'agost 21.14h

Sauv lo respiech que deve a l'autor, en tota bona fe, me fau confessar que comprene pas ben tanpauc çò que vòu dire "assemblatge". Un estat occitano-catalan ? Una collaboracion activa dau probable Estat catalan au sòrt d'Occitània ? Me podriatz assabentar ? Mercés.


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 20
  • sol Bordèu 20
  • sol Briançon 13
  • sol Caors 19
  • sol Carcassona 19
  • sol Clarmont-Ferrand 14
  • sol Confolent 13
  • sol Gap 12
  • sol La Canau 20
  • sol La Gàrdia 19
  • sol Limòtges 18
  • sol Lo Borg Sant Dalmatz 16
  • sol Lo Puèi de Velai 13
  • sol Marselha 22
  • sol Montpelhièr 21
  • sol Naut Aran 17
  • sol Niça 20
  • sol Nimes 21
  • sol Pau 19
  • sol Peireguers 19
  • sol Rodés 21
  • sol Tolon 20
  • sol Tolosa 20
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Aure Séguier

    Carnaval Biarnés 2017

  • País de Rasés. © Franc Bardòu

    País de Rasés

  • © Iñaki Delaurens

    Val d'Aran

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Lo grand passacarrièra de Rodés. Occitan Pride 2013

  • Valadas. © Xavi Gutiérrez Riu

    Valadas

  • Pòrt de Niça: Li galeras

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Dau temps dei vacanças en Dordonha. © Ciril Joanin

    Concors d'estiu 2012: La fotografia de las vacanças

  • © Asalaís Moniguet

    Montpelhièr la lengadociana

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Valadas. © Xavi Gutiérrez Riu

    Valadas

  • En Provença orientala: Mogins e noms de luecs occitans escrichs a la francesa

  • © Aure Séguier

    Carnaval Biarnés 2017

  • © Franc Bardòu

    Tèrra albigesa

  • Ciutat de Draoníer. © Cristòu Daurore

    Ciutat de Draoníer (Val Maira)

  • Agaits occitans sus Barcelona. © Franc Bardòu

    Agaits occitans sus Barcelona

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • País de Rasés. © Franc Bardòu

    País de Rasés

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)