Bandièra01 capçalera  1180x150: Novestivada

Actualitats

Resisténcia feminista en Iraq

| OWFI
Contunha la guèrra en Iraq, amb cada jorn de victimas innocentas tant dels combats entre las divèrsas faccions coma del fanatisme islamista. Pasmens, al mièg d’aquel clima d’asirança generalizada, de resisténcias e de solidaritats s’organizan.
 
En 2003, per luchar a l’encòp contra l’integrisme islamic e contra l’ocupacion estatsunidenca d’aquela epòca, se creèt l’Organizacion per la Libertat de las Femnas en Iraq (ÒLFI) que sa tòca es de protegir las joventas e las femnas victimas de violéncias masclistas o conjugalas, sovent en perilh de mòrt. Dison que l’ÒLFI auriá salvat la vida de mai de 200 femnas dins sos centres d’acuèlh.
 
L’ÒLFI assaja tanben de defendre los omosexuals, que riscan l’assassinat de part dels grops paramilitars islamistas. S’atrai en particular l’ostilitat de la milícia shiita Asaib Ahl Al Haq (La Liga dels Vertuoses) qu’ataquèt fa pas gaire un bastiment d’un quartièr de Bagdad perque i cabiá un bordèl e ansin matèt 28 femnas e 3 omosexuals. Ara Asaib Ahl Al Haq menaça l’ÒLFI de mòrt se quita pas la capitala iraquiana.
 
En mai d’aquò, A Karbala, a l’oèst de Bagdad, l’ÒLFI a dobèrt un ostal per las veusas refugiadas e lors mainatges que fugisson la terror de l’Estat Islamic. Se sap per exemple qu’aqueste fa de cèrtas femnas d’esclavas sexualas.
 
Existís una pagina en anglés per portar una apièja financièra a l’ÒLFI.
 
 
 
 
GJB

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Escriu un comentari sus aqueste article