Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaArmanhacSavés

L’Isla de Baish: serada Bastir-Gasconha Tolosana

L’idèa d’aquestas seradas qu’ei de tornar sensibilizar “en doçor”, fin finala, les estatjants d’Occitània

La còla Bastir-Gasconha Tolosana organizèc dimenge 27 de julhet ua serada amistosa e conviviala a L’Isla de Baish (Savés) dins un encastre adobat a la saussa occitana; atau les quauques curioses entaulats còsta las bandièras occitanas deu decòr an podut ausir ua programacion musicala d’ambient sus la basa “d’artistas d’Occitània”, quina que sia la lenga emplegada fin finala (francés, occitan, anglés, espanhòu), mès plan solide ua programacion qui botava endavant puslèu les artistas qu’emplegan la lenga nòsta (50% de la programacion a peu pròche). En mai d’aquò, estèc l’ecadença a ua jovenòta cantairitz locala, Sandra, de hèr sos prumèrs passis sus l’empont, en prepausar ua programacion compausada de represas de la cançon populara actuala (represas de U-Turn d’Aaron, d’Hallelujah de Leonard Cohen, de Wonderwall d’Oasis, d’Hasta siempre de Carlos Puebla...).
 
L’idèa d’aquestas seradas Bastir-Gasconha Tolosana qu’ei de tornar sensibilizar “en doçor”, fin finala, les estatjants d’Occitània qu’an desbrembat la loa lenga, la loa cultura pròpia. Non pas ostracizar le monde que saben pas pus parlar la lenga, simplament les raperar que demòran en Occitània... E d’i soscar! 
 
 
 
 
Jeròni Picas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article