Bandièra01 1180x150: Comuna de Tolosa

Actualitats

Turquia: las femnas protèstan en risent

En responsa a l’elegit que diguèt qu’una femna deu pas rire en menant de bruch en public

| @occupy_CHP
De milièrs de ciutadanas turcas an publicat suls rets socials d’imatges lors en risent amb las etiquetas #direnkahkaha (resistir e rire) e #kahkaha (riseta). Se tracta d’una campanha virala de protèsta contra lo govèrn del país, en responsa als comentaris del viceprimièr ministre del país e pòrtavotz del govèrn, Bülent Arınç, que diguèt la setmana passada qu’una femna deu pas rire en menant de bruch en public.
 
En escasença de la celebracion de la fin del Ramadan, Arınç planguèt la regression morala de la societat e critiquèt las joventas turcas: “Ont son las nòstras filhas, qu’enrogisson pas mai ni baissan lo cap ni desvian l’agach quand lor agacham la cara, en venent simbòl de la castetat?”, çò se demandava l’elegit. De mai, segon çò que rapòrta Hurriyet Daily News, Arınç afirmèt que las femnas devon pas far de movements sedusents, e afirmèt que la television e los mèdias incitan los adolescents turcs a venir d’“addictes sexuals”. En general, lo discors d’Arınç avertissiá del perilh de la destruccion de la societat e de las valors familialas e recomandava la lectura de l’Alcoran.
 
Arınç es un dels fondadors del Partit de la Justícia e lo Desvolopament (AKP), de tendéncia islamista, que govèrna en Turquia dempuèi 2002.
 
De son costat, la comissària europèa de la societat numerica, e vicepresidenta de la Comission Europèa, Neelie Kroes, a anonciat sus son Twitter qu’en setembre anarà a Istambol e que pensa de rire quand li plairà. 





Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jig Mimbasta
3.

A la peguessa de l'atac ja respon la finessa deu contra-atac : suberbèth !

  • 2
  • 0
Cristian FORMENT AGEN
2.

... e, al pròpi, lo cap per que lor i siòsque sus las espatlas.

  • 1
  • 0
Cristian FORMENT AGEN
1.

Es aquò, la religion triomfanta: las femnas e sas mans per solament faire la cosina e la bugada, lo sexe per parir dins la dolor.

  • 2
  • 0

Escriu un comentari sus aqueste article