CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 21 de julhet

Actualitats

Dimècres, 6 d'agost de 2014, 03h00 Societat,Politica,Internacional

Faràn una enòrma V a Barcelona per demandar un vòte per l’independéncia de Catalonha

L’ANC Val d’Aran prèga los occitans d’anar al tròç 30 per que i aja una granda concentracion de bandièras occitanas


Comentaris 4 comentaris    
Marrit Flac Bon Plan bon Fabulós (2 vòtes)
carregant En cargar


L’11 de setembre que ven, en escasença del Jorn Nacional de Catalonha, per remembrar la Via Catalana d’arunan, e per revendicar un referendum per l’independéncia, se farà a Barcelona un acamp comol de mond sus la Gran Via e l’Avenguda Diagonal, que dempuèi lo cèl se veiràn coma una enòrma V, d’aperaquí 11 quilomètres de percors.
 
Aquela manifestacion, organizada per l’Assemblada Nacionala Catalana (ANC) e Òmnium Cultural, començarà a 17h14, en remembre de la desfacha catalana de l’11 de setembre de 1714. A 19h00 s’es anonciat un concèrt multitudinari e a 20h14 una fiulada massissa sus Twitter en explicar al Mond que los catalans vòlon votar per decidir lor avenir.
 
 
Los occitans al tròç 30
 
La seccion aranesa de l’ANC, Aran per l’Independéncia, se plaçarà sul tròç 30 d’aquel acamp. Demandan a totes, e sustot als occitans, de s’inscriure sul meteis tròç per fin que se remarque la preséncia de las bandièras occitanas.
 
La còla d’Aran per l’Independéncia organiza un autocar de la Val d’Aran a Barcelona, anar-tornar, pel quite 11 de setembre.
 
De son costat, lo movement occitan País Nòstre, que participarà tanben a l’acamp, organizarà de veituras dempuèi Carcassona e Narbona. Segon çò qu’a contat a Jornalet Joan-Pèire Laval, president de País Nòstre, al començament de setembre faràn una conferéncia de premsa a Narbona per presentar l’eveniment e la participacion d’aqueste collectiu.
 
S’espèra tanben la participacion de representants del Partit de la Nacion Occitana, d’Iniciativa per Occitània e de Libertat.
 
 
70 000 inscriches en doas setmanas
 
La manifestacion de la V compta ja 70 000 inscriches dempuèi las doas setmanas que las inscripcions se son dobèrtas, segon d’informacions de Vilaweb. Amb las inscripcions, çò ditz l’organizacion, se poirà assegurar que totes los manifestants demòren plan repartits al cors dels onze quilomètres del percors de la V e, de mai, e que se pòsca formar lo drapèl catalan en repartissent lo mond que se seràn vestits de camisetas jaunas e los qu’anaràn de roge.
 
 
Las inscripcions
 
Las inscripcions als tròces se pòdon far dempuèi lo formulari del sit web de la campanha. Per s’i inscriure, los participants devon escriure lors donadas, s’inscriure al tròç desirat e o confirmar per e-mail, abans 24 oras. Los grops nombroses se pòdon inscriure en grops de cinc o per mejan de la seccion territoriala de l’ANC que correspondrà. Pels occitans es recomandable de contactar l’ANC Val d’Aran.





publicitat
BANER1-2-3: DGPL AN LAFONT



Comentaris

6 d'agost 13.58h

#3 OK, mercés.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 11.30h

#2 Troç es una porció. Se fa referéncia als trams en que l'organizacion a dividit l'espaci qu'ocuparà la V


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

6 d'agost 11.24h

Mercés per quela informacion. Comprene pas çò que vòu dire "tròç 30". Quauqu'un me podriá explicar ?


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

6 d'agost 09.35h

Grandmercé amics occitans pel vòstre supòrt. Comptatz amb ieu coma un quite occitan per defendre la vòstra libertat. Per ara, pauc a pauc, aquerissi la vòstra arma (en los dos senses del mot) principala: la lenga.


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • Estivada 2013. © Guillem Sevilla

    Estivada 2013

  • Julien Cazenave

    17.02.2019: manifestacion a Brussèlas en sosten als independentistas catalans

  • @ Lisa Gròs

    De ruscas

  • Estivada 2013. © Guillem Sevilla

    Estivada 2013

  • © Celèsta Toion

    La plaja espaci de libertat? D'expression?

  • © Franc Bardòu

    Catalonha etèrna

  • © Laurenç Revèst

    Castelar

  • País de Rasés. © Franc Bardòu

    País de Rasés

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Adriana Díaz

    Canas 2019

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © AR

    Vila d'Usès e lo pont de Gardon

  • País de Rasés. © Franc Bardòu

    País de Rasés

  • Asuèlhs de Menerbés. © Franc Bardòu

    Asuèlhs de Menerbés

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Castelar

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Tolosa: manifestacion de sosten a las mobilizacions contra la restanca al Bòsc de Sivens

  • © Franc Bardòu

    Asuèlhs Bigordans

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)