Bandièra01 1180x150: Comuna de Tolosa

Actualitats

Hollande alèrta de “la menaça” dels separatismes

O ditz justament l’endeman que l’encontre occitanocatalan de Salau li diguèsse que los catalans vòlon votar lor avenir

| CAOC
Lo “separatisme” es la “principala menaça” d’Euròpa, segon lo president François Hollande. Aital o declarèt dins son discors de commemoracion del centenari del començament de la Primièra Guèrra Mondiala, que se debanèt ièr diluns a Lièja (Valonia). Hollande alertèt de la menaça qu’es per Euròpa “lo retorn dels egoïsmes nacionals, los separatismes, lo replec e la xenofobia”.
 
Justament las paraulas d’Hollande son arribadas l’endeman que mièg milièr de personas despleguèsson una bandieròla enòrma dins l’encastre de l’encontre occitanocatalan de Salau, que disiá al president francés que los catalans vòlon votar lor avenir lo 9 de novembre que ven.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

M Marselha
14.

Fau demorar en alèrta dau neo nacionalimperialisme jacobin francés !
Quebèc e Occitània, mema lucha.

  • 1
  • 0
garric
13.

#12 Ne faràn partida coma totas las nacions europencas a egalitat.

  • 0
  • 0
BOURDON Pau
12.

#10 "Separatisme" qu'ei un tèrmi pejoratiu. Unir las nacions, òc, solide ! Mes perqué la Catalonha e l'Escòcia ne harén pas partida d'aqueras nacions qui's deven unir ? Los referendums escocés e catalan que son exercicis de democracia. Los anglés qu'accèptan miélher lo referendum escocés que non pas los castelhans lo referendum catalan, per'mor que la Grana Bretanha qu'a un mei haut nivèu de democracia que l'Espanha.

  • 6
  • 0
JC Dourdet
11.

L'i a una bona analisi de James Costa daus discors francés sus las reivindicacions d'indepedéncia, d'Escòcia entre autres. Qu'es per aquí, en francés (desolat) :

http://blogs.mediapart.fr/blog/james-costa/130414/l-independance-ecossaise-et-les-oeilleres-francaises-du-monde

  • 4
  • 0
garric
10.

L'amalgama entre xenofobia e separatisme es nèci. Caquelà, al fons, se podem pas regaudir del separatisme. Val mai trabalhar a unir las nacions qu'a las separar en estats. De que serviriá de crear mai d'estats-nacions ? Tant val los far disparéisser - Estat francés compres - dins una Euròpa dels pòbles e de las nacions jos l'autoritat d'un Estat federal.

  • 3
  • 6

Escriu un comentari sus aqueste article