Bandièra01 1180x150: Comuna de Tolosa

Actualitats

50 ans de la Pantèra Ròsa

| Helgi Halldórsson
La Pantèra Ròsa celèbra aqueste an de 2014 son 50n anniversari, dempuèi qu’en 1964 ganhèt lo prèmi Oscar pel melhor cortmetratge d’animacion.
 
Curiosament, la naissença d’aquel personatge emblematic foguèt practicament un azard. Un an abans, en 1963, se presentèt lo primièr dels filmes de Blake Edwars nomenats La Pantèra Ròsa, qu’en realitat èra lo nom d’un diamant de fòrça valor qu’un gentleman cambriolaire auriá capitat de panar e qu’un inspector francés comic deviá recuperar. Pels crèdits d’aqueles filmes, Edwards demandèt a Friz Freleng de far una animacion que deviá complir tres condicions: èsser divertissenta, muda e de color ròsa. Lo personatge animat es una pantèra antropomorfica, qu’a la faiçon d’un gentleman britanic es un laupard elegant dins totes sos gèstes, medotic, fòrça intelligent e simpatic.
 
Dempuèi los inicis, la Pantèra Ròsa a conegut una molonada de sasons, de cambiaments e d’adaptacions. En 2005, aquela sèria d’animacion obtenguèt la plaça 99 dins la lista de las 100 melhoras sèrias d’animacion.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article