Bandièra01 1180x150: Comuna de Tolosa

Actualitats

Maryam Mirzakhani: la reina de las matematicas

Maryam Mirzakhani es la primièra femna qu’a ganhat la Medalha Fields, lo prèmi mai prestigiós que s’autreja dins l’encastre de las matematicas, segon çò que publica Vilaweb. Aquel prèmi es sovent descrich coma lo Prèmi Nobel de las sciéncias exactas: foguèt instituit fa gaireben 80 ans e se concedís a de talents excepcionals de mens de 40 ans.
 
L’iraniana Maryam Mirzakhani, professora de matematicas de l’Universitat d’Stanford, recebèt lo prèmi la setmana passada en una ceremònia celebrada a Seol. Dempuèi l’an 1936, an concedidas 55 medalhas. La mai remarcada foguèt probable la que refusèt lo matematician rus Grigorii Perelman en 2006, que foguèt premiat per sa pròva de la conjectura de Poincaré. Segon lo comunicat de l’Union Internacionala de las Matematicas, Marzakhani es estada premiada per sas contribucions extraordinàrias a la dinamica e la geometria de las superfícias de Riemann e sos espacis modulars”. La revista Núvol prepausa en catalan e en primièra pagina una entrevista que publiquèt lo Clay Mathematics Institute.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article